Зошто тинејџерите ги одбиваат советите на родителите кога бараат решение за проблемите?

Родителите на тинејџерите често се соочуваат со збунувачки ситуации. Прво, тинејџерите им доаѓаат со некаков проблем, потоа родителите им нудат предлози и решенија, а тинејџерите ги отфрлаат нивните идеи и ги сметаат за иритирачки, ирелевантни или и двете. Овие моменти се соодветни за поврзување со вашите деца, но тие често се толкуваат погрешно. Во повеќето случаи, ова се случува затоа што родителите не им го даваат на своите тинејџери она што тие навистина го сакаат. Свесно или несвесно, тинејџерите ги сакаат следниве работи:

Зошто тинејџерите ги одбиваат советите на родителите кога бараат решение за проблемите?

1. На тинејџерите им е потребен некој што ќе ги сослуша

Адолесцентите, како и возрасните, можат да чувствуваат олеснување ако едноставно ги артикулираат своите грижи. Луѓето кои гласно ги кажуваат своите проблеми се чувствуваат многу подобро од оние што ги држат во себе. Тоа важи за сите проблеми, без оглед на тежината.

Кога децата ќе одлучат да ги споделат своите проблеми со родителите, најдобро е да претпоставите дека не сакаат предлози или совети, барем не веднаш. Дозволете им да ви кажат што им пречи.

Возрасните можат да им помогнат на тинејџерите со тоа што ќе им го дадат потребниот простор. Важно е родителите да ги слушаат своите тинејџери без да ги прекинуваат и да се воздржат од додавање на свои мисли во купот што детето веќе го има во главата.

2. Тинејџерите бараат емпатија

Многу работи што ги мачат тинејџерите не можат да бидат решени. Родителите не можат да ги излечат скршените срца, да ги спречат нивните социјални драми или да направат нешто во врска со фактот што имаат закажано три важни тестови во еден ден. Проблемот е многу полош ако се чувствувате целосно сами.

Тинејџерите често имаат проблеми што сакаат да ги споделат, но не со своите пријатели. Во тие моменти, тие можат да се обратат кај своите родители кои треба да запомнат дека детето бара само емпатија, а не решение за проблемите.

За да можат родителите да изразат дополнителна солидарност, можат да ги прашаат своите деца: „Дали сакаш да останам или сакаш да те оставам сам некое време?“ или „Дали има нешто што можам да направам за да не се влошат работите?“ Овие прашања испраќаат силна порака дека на родителите не им пречат проблемите на децата и ќе бидат тука за нив, дури и кога не можат да им помогнат.

3. На тинејџерите им е потребно да им верувате

Иако на родителите им е тешко да престанат, премногу предлози можат да направат детето да мисли дека се обидувате да му кажете: „Ти не можеш да се справиш со ова, но јас можам“. Тоа може да предизвика сомнеж дека немате доволно доверба во детето и мислите дека тоа не може да се справи со проблемите што му ги создава животот.

Наместо да му предложите решенија на вашето дете, поттикнете го само да дојде нив. Кога ќе му кажете: „И порано успеа да се справиш со вакви проблеми“ или „тешко е, но ќе ги надминеш тоа“, му давате поинаква перспектива и го охрабрувате затоа што во тој момент неговата самодоверба е нарушена.

Адолесцентите честопати се чувствуваат ранливи, особено кога се отвораат пред возрасните. Во тие моменти, добронамерните коментари може да звучат како критика или предавање.

4. Тие сакаат идеи, а не инструкции

Кога на тинејџерот му давате емпатија и охрабрување, всушност му го давате она за што е дојден. Ако потоа вашиот тинејџер сè уште бара решение, тогаш понудете му совет. Започнете со тоа што ќе го прашате дали сака да му помогнете во решавањето на проблемот. Ако одговорот е да, поделете го проблемот во категории: што може да се промени и што не може.

За првата категорија, фокусирајте се на потребите што ги идентификува вашиот тинејџер и заедно дојдете до решение. За втората категорија, помогнете му да се помират со работите што не можат да ги контролираат.

Колку и да мислите дека вашиот совет е добар, најдобро е да го чувате во себе сè додека не го сослушате вашето дете. Кога возрасните ќе понудат решение премногу брзо, тие воопшто не слушаат и не разбираат низ што поминува детето. Честопати излегува дека слушањето и разбирањето е она што навистина им треба на тинејџерите.

Погледнете ги овие 12 илустрации што покажуваат колку е тешко да воспитувате тинејџер.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар