Здрав помфрит: Рецепт за крцкави и вкусни компирчиња

Со помош на овој рецепт со маслиново масло, вашето омилено нездраво јадење ќе се претвори во вкусен и здрав оброк

Здрав помфрит: Рецепт за крцкави и вкусни компирчиња

Потребни состојки:
  • 4 компири со средна големина
  • 4 лажици маслиново масло
  • Прстофат сол
  • Прстофат бибер
  • Неколку лажици пармезан
Начин на подготовка:

Излупете ги компирите и добро измијте ги, а потоа исечкајте ги на парчиња со големина од околу 1,5 сантиметри. Наполнете голем сад со ладна вода (можете во неа да додадете и лед) и ставете ги внатре исечканите компири. Во меѓувреме вклучете ја рерната на 220 степени, а на тава за печење поставете алуминиумска фолија и премачкајте ја со маслиново масло.

Добро исцедете ги компирите и темелно исушете ги со чиста памучна или хартиена крпа. Ставете ги во пластичен сад со капак, додајте го маслиновото масло и затворете ги. Протресете го садот така што ќе се погрижите маслото да се нанесе на сите компири, а потоа отворете го, додајте сол и бибер и затворете го повторно. Протресете.

Префрлете ги компирите во тавата за печење која претходно ја премачкавте со маслиново масло и печете на околу 220 степени, 12-тина минути, а потоа свртете ги на другата страна и вратете ги назад на уште 12 минути. Откако ќе се испечат, префрлете ги во чинија и сипете врз нив пармезан. За поинтензивен вкус, можете да додадете и исечкани чили пиперчиња. Пријатно јадење.

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар