Претходно
Време е да пробате нешто ново: Рецепт за похувани зелени домати
Дали некогаш сте го гледале филмот „Пржени зелени домати“? Ја раскажува трогателната приказна за пријателството меѓу две жени кое е доказ дека со помош на љубовта можеме да ги надминеме сите животни неволји. Инспирирани од овој филм ви го споделуваме рецептот за похувани зелени домати – традиционално американско јадење. Според историските извори, еврејските мигранти го довеле ова јадење во Америка во 19 век. Станува збор за вкусен рецепт кој е одличен избор за топлите летни денови.
Потребни состојки:
- ½ килограми зелени домати (одберете поголеми домати со еднаква големина)
- 200 милилитри кефир
- 2 јајца
- пченкарно брашно или палента
- лебни трошки
- сол и пипер
- босилек
- оригано
- лук
- црвен мелен пипер
- лимон
Потребни состојки за сос:
- кисела павлака
- 1 ќесичка мајонез
- сок од половина лимон
- копар
- 2 лажици маслиново масло
Начин на подготовка:
1. Исечете ги доматите и додадете сол и црн пипер.
2. Додадете ги сите зачини во садот со лебните трошки.
3. Испрпелајте ги доматите првин во пченкарното брашно (или палентата), па во изматените јајца со кефир и на крајот во садот со лебните трошки.
4. Пржете сè додека не поруменат.
5. Готовите домати ставете ги на хартија за да се исцедат од вишокот маснотии.
6. За сосот доволно е да ги измешате претходно наведените состојки.
7. Послужете како предјадење, прилог или главно јадење. На здравје!
Откако го прочитавте нашиот рецепт за похувани домати, можеби ќе сакате да го прочитате и рецептот за похувани пиперки со сирење.
Извор: punkufer.dnevnik.hr
