Претходно
Враќање на неочекуваните трендови: Вака ќе се облекуваме оваа пролет!
Шарен е изборот што го имаме од дизајнерите за следната сезона, така што секој ќе може да пронајде нешто што сака. Оваа сезона е целосно со предимензионирани облици и истакнување преку живописни бои и впечатливи парчиња облека.
Модната прогноза вели дека оваа година фокусот ќе биде на преголемите ракави, џебовите и многуте детали.
Силни бои
Најмногу ќе се носат портокаловата, белата, жолтата, тиркизната, сината, црвената, беж бојата и црната.
Кратки здолништа
Иако на многу дами нема да им се допадне, но ултракратките модели на здолништа ќе може често да се видат на улиците оваа пролет.
Светки
Оваа сезона светките ќе се носат и во текот на денот. Колекциите на водечките дизајнери се преполни со ваквите модели.
70-тите се враќаат
70-тите години се сметаат за една од најмодерните години, па дури и денес дизајнерите ја црпат својата модна инспирација од тој период. Сако-палтата што тогаш биле во тренд се враќаат на модната сцена.
Плетени чанти
Чантите што најчесто ги среќаваме на плажа ќе бидат голем хит оваа пролет.
Предимензионирани ракави
Предимензионираните ракави се апсолутен хит што нема да се повлече од модната сцена.
Монохроматски стил
Стилизирањето од глава до пети во иста боја е моден хит.
Тропски принт
Трендот што потсетува на лето и радоста ќе биде во тренд. Цветовите се она што жените најмногу ќе го сакаат.
Фармерки со трегери
По неколку години, фармерките во комбинација со трегери се повторно во мода.
Можеби сакате да дознаете и дека хеланките се враќаат во мода: Следете го ова правило за да не направите погрешна комбинација.
