Претходно
Воена диета: 4 килограми помалку за 3 дена
Датум: 14 мар 2014
Коментари: 0
Тридневната или воена диета, како што и самиот назив си кажува, подразбира строг режим на исхрана и строго придржување до сѐ што е пропишано, од термините за оброците, па до самите намирници. Во спротивно, нема да постигнете ништо од посакуваните резултати.
Од зачините, дозволени се само сол и бибер. Намирниците не може да се заменуваат со други. Вода може да пиете колку сакате.
Пред да почнете да ја спроведувате, задолжително консултирајте се со лекар.
Секој ден се јаде во исто време, без разлика на тоа што можеби нема да бидете гладни баш тогаш. После диетата, барем 4 дена треба да бидете на нормална исхрана, па доколку сакате, можете да ја повторите. Со диетата се препорачува вежбање.
Прв ден
Појадок: Пола грејпфрут, парче тост-лепче со две лажички путер од кикирики, кафе или чај.
Ручек: 100 грама туна, парче тост-лепче, кафе или чај.
Вечера: 80 грама какво било немасно месо или пилешко, 150 грама грашок, пола банана, мало јаболко и 110 грама сладолед од ванила.
Втор ден
Појадок: Јајце, пола банана, парче тост-лепче.
Ручек: 110 грама свежо сирење, тврдо варено јајце и 5 солени крекери.
Вечера: 2 виршли (без леб), 150 грама брокула, 65 грама рендан морков, пола банана и 55 грама сладолед од ванила.
Трет ден
Појадок: Кафе или чај, со една до две лажички засладувач, 5 солени крекери, 26 грама сирење и едно помало јаболко.
Ручек: Тврдо варено јајце и едно парче тост-лепче.
Вечера: 200 грама туна, пола банана, 110 грама сладолед од ванила.
