Претходно
Вкусни колачиња со чоколадо кои се подготвуваат за само половина час!
Не се сомневаме дека комбинацијата на чоколадо и банана е омилена кај многумина, и ако на тоа го додадеме и фактот дека е можно да се направат вкусни диетални колачиња од споменатите состојки, тоа дополнително нè охрабрува да се задоволиме себеси и нашите најблиски со овој практичен десерт. Имено, ова се колачиња за кои се потребни само неколку состојки, па подолу ви донесуваме едноставен рецепт и како да го подготвите.
Потребни состојки:
- 3 банани
- 100 гр рендано чоколадо за готвење или какао во прав
- 3 лажици овесни снегулки
- 1 лажичка цимет
- 1 лажица кокосови струготини
Начин на подготовка:
- Подготвувањето на овие колачиња е многу лесно, а првиот чекор вклучува блендирање на бананата додека не добиете компактна смеса.
- Тогаш треба да се додадат сите други состојки и добро да се измешаат. Доколку забележите дека смесата е водена, слободно додадете повеќе овесни снегулки.
- Кога сте задоволни од смесата, земете лажица и обликувајте колачиња кои потоа ќе ги ставите на плех обложен со хартија за печење и ќе печете околу 15 минути во загреана рерна на 180 степени.
- Кога ќе се испечат, оставете ги на кратко да се изладат и уживајте во вкусот!
Можеби ќе сакате да го пробате и овој рецепт за фини протеински барови без печење!
