Вино и Зен: Дали е ова едноставно решение за здраво срце?

Срцевите болести се убиец број еден ширум целиот свет. Сепак, доволни се само мали промени во нашиот животен стил за да направиме големи разлики во здравјето на нашето срце. Нема да се фокусираме на откажувањето од пушењето или додавањето најмалку 30 минути физичка активност на ден, бидејќи веќе треба да го знаете тоа. Исто така, мит е дека мажите умираат почесто од срцеви заболувања. Оваа болест убива и жени и мажи, подеднакво. Жените се посклони на развивање симптоми на срцеви заболувања по менопаузата, но поголема е веројатноста да умрат од срцев удар отколку мажите.

Проблем

Најчест проблем со срцето е коронарната артериска болест (или коронарната срцева болест). Коронарните артерии го опкружуваат срцето, доставуваат кислород и хранливи материи и носат отпад. Како и другите артерии во телото, коронарните артерии можат да станат нездрави. Вообичаен виновник е артериосклерозата: состојба во која артериските ѕидови почнуваат да складираат масен материјал.

Овој процес ја ослабува циркулацијата во срцето и другите ткива во телото и го зголемува крвниот притисок. Срцето сега мора да пумпа крв преку стеснети, нефлексибилни артерии. Тоа е напорна работа. Како и секој друг прекумерно користен мускул, срцето се зголемува, или се стеснува. На крајот, почнува да се предава, што доведува до блокирање и срцева слабост.

Постојаниот и продолжен стрес ги покачува воспалителните хемикалии во телото. Ова доведува до повисок крвен притисок и ги прави тромбоцитите главни фактори кои стимулираат срцев удар. Екстремниот стрес може да предизвика срцев удар, неправилен срцев ритам и ненадејна срцева смрт.

Решение

Колку порано преземете чекори за подобро да го заштитите вашето срце, толку подобро. Мајката природа ќе обезбеди неколку лекови за да го задржи вашето срце во врвна состојба.

1. Свесно дишење

Бавното, длабоко дишење и позитивните емоции, како што се благодарноста, го намалуваат стресот и го подобруваат здравјето на срцето.

Најдете удобна и опуштена позиција. Затворете ги очите. Фокусирајте го вашиот ум на нешто што прави да се чувствувате благодарно или среќно. Бидете свесни за вашите позитивни чувства. Замислете ги тие чувства како излегуваат од вашето срце, за и другите да ги почувствуваат.

Зошто ова навистина функционира? Здравите срца покажуваат забележлива варијабилност на срцевата фреквенција, што значи дека пулсот обично варира суптилно со дишењето – побавно со вдишување и побрзо со издишување. Губењето на оваа можност за варирање на срцебиењето, како што се случува кога има изложување на хроничен стрес, е ризичен фактор за срцеви заболувања. Смеата и бавното, длабоко дишење како кај медитацијата ја подобруваат варијабилноста на срцевите отчукувања. Слично на тоа, позитивните емоции, како што е благодарноста, исто така ја подобруваат варијабилноста на срцевите отчукувања.

2. Чувствување на пулсот

Ова е слична техника за смирување која можете да ја практикувате кога се чувствувате под стрес или кога имате проблеми со заспивањето. Целта е да се стане свесен за своето чукање на срцето.

Седнете удобно на стол. Пронајдете го вашиот пулс: добри локации се на внатрешниот рачен зглоб и во вратот под аголот на вилицата.

Започнете да ги броите отчукувањата на срцето во рок од 15 секунди. Ако го помножите бројот со четири, ќе ги добиете отчукувањата за една минута. Сега, затворете ги очите. Исправете го вашиот рбет така што главата, рамената и рбетот ќе ви бидат во права линија. Ставете ги дланките на вашите бутови. Вдишете полека броејќи до четири, паузирајте, а потоа издишете полека броејќи до шест. Бидете свесни за вашите клучни коски и ребра додека се подигнуваат, како и за движењето на вашиот стомак – со вдишување вовлекувајте, а со издишување вратете во нормала. Повторете десет пати и повторно проверете го пулсот.

Зошто ова навистина функционира? Целосната релаксација го забавува срцевиот ритам и го намалува крвниот притисок. Ова помага при намалување на стресот врз срцето. Континуираниот стрес го зголемува крвниот притисок, кој го замаглува срцето и ја поставува сцената за артериосклероза. На крајот, нормалната варијабилност на срцето е изгубена. Овој вид релаксација со самосвесност има тенденција да ја врати нормалната варијабилност на срцето. Освен ако не сте биле многу опуштени, оваа вежба веројатно ќе го забави вашиот срцевиот ритам.

3. Рецепт за домашно греено вино

Покрај вежбите за проширување на вашата свесност и за опуштање ви го препорачуваме и овој рецепт за вкусно варено вино. Неговата миризба има смирувачки ефект, а самото вино пријатен вкус.

Потребни состојки:
  • 1,5 литро црвено вино (можете да користите и остатоци од црвено вино)
  • 1 супена лажица мелен цимет
  • 1,5 кафена лажичка мелено каранфилче
  • 1/2 кафена лажичка мелен анасон
  • 1,5 кафена лажичка мелен ѓумбир
  • 1,5 кафена лажичка мелен орев
  • Рендана кора од 1 органски лимон
  • Рендана кора од 1 органски портокал
  • Мед
Начин на подготовка:

Поставете големо тенџере на тивок оган. Истурете го виното. Комбинирајте ги зачините и цитрусовата кора, завиткајте ги во памучен материјал и ставете ги во садот.

Оставете го тенџерето на тивок оган околу 30 минути. Промешајте во мед по вкус. За крај, истурете го виното низ цедилка. Послужете во чаши и на врвот просејте цимет и додајте парче портокал.

Зошто ова навистина функционира? Црвеното грозје и црвеното вино содржат ресвератрол и други состојки кои ја намалуваат тенденцијата на крвта да формира згрутчување во артериите кои го снабдуваат срцевиот мускул. Неодамнешните студии ја поврзаа умерената консумација вино со кардиоваскуларните придобивки. Вареното вино е добра опција, бидејќи во текот на процесот на греење испарува значителна количина на алкохол. Сепак, бидете умерени: високи количини на алкохол го оштетуваат срцето.

Прочитајте ги и овие 13 интересни примени на виното што веројатно не сте ги знаеле.

Автор: Ана Патриклиева

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Читај на раат!

Поврзани содржини

Остави коментар