Торта од сирење, капини и боровници со пишкоти

Оваа лесна торта освежува и заситува, но и не содржи многу висококалорични намирници, што ја прави одлична за оние кои се на диета. Љубителите на овошните десерти ќе ја обожаваат!

Торта од сирење, капини и боровници со пишкоти

За подготовка на оваа торта се потребни 40 минути.

Потребни состојки за 4 лица:

  • 200 грама пишкоти
  • 100 грама капини
  • 100 грама боровинки
  • 3 јајца
  • 100 грама шеќер
  • 150 милилитри млеко
  • 1 ванилин шеќер
  • 400 грама свежо кравјо сирење
  • 300 милилитри готова шлаг пена
  • 5 листови желатин

Начин на подготовка:

  1. Јајцата, шеќерот, ванилиниот шеќер и млекото изматете ги на пареа или на оган додека не добиете пенест крем. Потоа додајте го желатинот, кој претходно сте го намокриле во студена вода и матете уште една минута.
  2. Изматете го сирењето со миксер додека не стане пенесто и потоа измешајте го со жешкиот крем.
  3. Изладете ја смесата на собна температура и во неа додајте половина од овошјето и шлагот.
  4. Во калап наредете ги пишкотите на дното и прелијте ги со кремот. На крајот нежно удрете го калапот од масата за кремот да ги пополни празните места. Наредете го и останатото овошје. Оставете ја тортата во фрижидер најмалку шест часа.

Добар апетит!

Дали знаевте дека боровинките го забавуваат стареењето?


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Спиела во пустина, летала со параглајдер и видела 71-метарска статуа од Буда исклесана во планина. Со дигитално новинарство се занимава од факултетските денови.

Поврзани содржини

Остави коментар