Шпагети на сицилијански начин

Доколку сакате да имате лабава вечера со која ќе го изненадите партнерот или пријателите, подгответе ги овие превкусни шпагети

Потребни состојки:

• 400 г шпагети
• 300 г домати
• 200 г модри патлиџани
• 5 лажици маслиново масло
• 1 лажица пармезан
• лук (по вкус)
• босилек (по вкус)
• сол (по вкус)
• бибер (по вкус)
• зачин од сув зеленчук (по вкус)
• магдонос (по вкус)

Начин на подготовка:

1. Измијте ги модрите патлиџани, исечкајте ги на коцкички, посолете ги и оставете ги да пуштат сок. Олупете ги доматите, исечкајте ги во коцкички и додадете ги во садот со модрите патлиџани. Лукот исечкајте го многу ситно и оставете го да се динста со маслиновото масло 5 минути.

2. Потоа во тавчето додадете ги исечканите модри патлиџани и доматите, малку иситнет босилек, магдонос и другите зачини и динстајте уште 15 минути.

3. Шпагетите сварете ги во солена вода, исцедете ги и додадете ги приготвениот сос. Пред да ги послужите, посипете ги со пармезан или со рендан кашкавал.

Со овој оброк можете да послужите црвено вино.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.