Рецепт за сочна турска салата од грав

Рецепт за сочна турска салата од грав

Турската салата му ја должи својата сладост на преливот на кој се додава таан, како и на пирето од грав, кое ги комбинира аромите и вкусовите на сите состојки.

Рецепт за сочна турска салата од грав

Потребни состојки:

  • 150 грама зготвен грав
  • 1 мал кромид
  • 20 грама ситно сечкан магдонос
  • 1 или 2 тврдо варени јајца
  • 1 домат

За прелив за салата:

  • 2 лажици таан
  • 2 лажици оцет
  • сок од половина лимон
  • 2 чешниња лук
  • 4 лажици маслиново масло
  • 1 лажичка сол
  • 1/2 лажичка мелен ким
  • 1 лажица зготвен грав

Начин на подготовка:

1. Измешајте ги таанот и оцет и мешајте со жица за матење додека не исчезнат грутките. Потоа додајте ги сечканиот лук, кимот и солта и едната лажица грав што претходно ќе го изгмечите за да добиете пире. Постепено додавајте од течноста од зготвениот грав и мешајте. Преливот треба да биде мазен, но не течен. На крајот, додајте сок од лимон и постепено додајте го маслиновото масло додека мешате.

2. Исечете го кромидот на мали коцки, потоа посолете го и по неколку минути исплакнете го и исцедете го вишокот вода. Ставете го гравот во чинија за сервирање и додајте ги кромидот, исечканиот домат и вареното јајце. Нанесете го преливот од таан рамномерно на сè што е во чинијата и украсете со сечкан магдонос и парчиња лимон.

Погледнете како да подготвите либанска салата со модар патлиџан и јогурт.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар