Претходно
Рецепт за појадок: Слатки печени компири со кокос и боровинки
Ова е малку поинаков појадок, кој лесно може да послужи и како десерт без шеќер.
Потребни состојки:
- 2 средни слатки компири
- 4 лажици јогурт
- 2 грста свежи боровинки
- 2 лажици путер од бадем
- 1 лажица снегулки од бадем
- 2 лажици снегулки од кокос
Начин на подготовка:
Загрејте ја рерната на 180 Целзиусови степени. Измијте ги компирите и направете неколку дупки. Ставете ги на плех обложен со хартија за печење и печете ги 45-50 минути.
Измешајте го јогуртот со снегулките од кокос, а путерот од бадем со снегулките од бадем.
Кога компирите ќе се испечат, внимателно исечете ги на половина, но внимавајте да не ги пресечете целосно.
Наполнете го слаткиот компир со путерот од бадем и потоа прелијте го со јогуртот со кокос. На крајот додајте ги боровинките.
Погледнете како да го направите овој брз ручек што е готов за 20 минути: Пикантно пилешко со сусам и ориз.
