Претходно
Рецепт за кремаст колач со нутела и кекс
Нутелата е омиленото слатко задоволство за многумина, особено ако е главна состојка на вашиот омилен кремаст колач кој се прави многу брзо.
Потребни состојки:
За фил:
- 360 грама павлака
- 2 лажици шеќер
- 1/2 лажичка цимет
- 2 лажички екстракт од ванила
- 120 грама нутела
За подлога:
- 150 грама мелени бисквити
- 100 грама путер
- 1 лажица какао
Начин на подготовка:
Мелените бисквити измешајте ги со растопениот путер и со какаото. Мешајте ја смесата додека не се изедначи, а потоа ставете ја во сад за печење и печете 10 минути на температура од 170 °C.
Изматете ја павлаката со миксер, а потоа додајте ги шеќерот, екстрактот од ванила и циметот и промешајте уште малку. Додајте ја нутелата и промешајте со лажица.
Истурете го филот врз подлогата и ставете го колачот во фрижидер за да се зацврсти филот.
Погледнете го овој едноставен рецепт како да направите крцкави полжави со зелка.
