Рецепт за домашен леб од тиква

Тиквата содржи антиоксиданти, растителни влакна, магнезиум, калиум и витамини Б, Ц, Е и К, додека нејзината кора е богата со провитамин А и со алфа и бета-каротен. Исто така, семките од тиква содржат протеини, манган, влакна, магнезиум, фосфор и цинк. Тиквата е нискокалорична намирница во којшто може да уживаат и дијабетичарите.

Рецепт за домашен леб од тиква

Погледнете како да подготвите здрав леб од тиква, а на врвот можете да додадете и семки кои се полни со протеини и со здрави масти.

Потребни состојки:

  • 50 грама бадемово брашно
  • 50 грама кокосово брашно
  • 1/2 лажичка сода бикарбона
  • 1/2 лажичка прашок за печиво
  • 1/2 лажичка цимет
  • 1/4 лажичка сол
  • 4 јајца
  • 80 милилитри рафинирано кокосово масло, стопено
  • 180 грама пире од тиква
  • 120 грама еритритол (природен засладувач)
  • 60 милилитри млеко по ваш избор
  • 1 до 2 лажици сурови семки од тиква

Начин на подготовка:

1. Загрејте ја рерната на 180 ° С. Во тава за печење ставете хартија за печење и намачкајте ја со масло.

2. Во голем сад додајте ги бадемовото и кокосовото брашно, сода бикарбоната, прашокот за печиво, циметот и солта. Измешајте сè заедно.

3. Во сад со средна големина, додајте ги јајцата, кокосовото масло, пирето од тиква, еритритолот и млекото. Измешајте сè заедно.

4. Додајте ги влажните состојки на сувите и промешајте.

5. Ставете ја смесата во тавата за печење и нанесете ја рамномерно. Одозгора ставете семки од тиква.

6. Печете 35 до 40 минути, сè додека чепкалка со којашто ќе проверувате не излезе чиста.

Погледнете го и овој рецепт како да направите посна салата со туна и пченка.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар