Рецепт на денот: Лосос на јапонски начин

Ако планирате да подготвите лосос за денешната трпеза, пробајте го овој нов одличен рецепт од Јапонија

Потребни состојки:
  • 300 грама ориз
  • 350 грама лосос
  • 2 помали, зрели авокада
  • Свежо исцеден сок од 1 лимон
  • 4 супени лажици соја сос
  • 4 кафени лажички испржен сусам
  • 1 мала главица кромид
  • Ситно исечкана лута пиперка
Начин на подготовка:

Измијте го оризот во вода. Во големо тенџере, ставете 400 милилитри вода, па додајте го оризот и почекајте да зоврие. Потоа покријте го со капак и оставете го да се вари околу 10-тина минути.

Во меѓувреме испржете го лососот од двете страни.

Авокадото исечете го на тенки кругови, а лососот на крупни коцки, па измешајте ги и додајте го лимоновиот сок заедно со соја сосот. Оставете ги да отстојат 10-тина минути, па измешајте ги со добро процедениот ориз.

Во посебна тава пропржете го сусамот, па просејте го преку оризот, заедно со лутото пиперче и кромидот.

Уживајте!

Посна трпеза за Бадник: Пронајте ги и овие 3 необични рецепти за подготовка на риба.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

Остави коментар