Претходно
Посна трпеза за Бадник: 3 необични рецепти за подготовка на риба
На Бадниковата вечер, неизоставен дел од свечената трпеза е и рибата. За да ги изненадите и да ги задоволите членовите на вашето семејство, денес ви прикажуваме 3 нови рецепти за подготовка на шкарпина, лосос и ослич. Погледнете ги во продолжение и инспирирајте се за вашите подготовки за оваа вечер.
Рецепт за морски пајак со вино
Потребни состојки:
- 1 килограм морски пајак
- Лимон
- 100 милилитри маслиново масло
- 200 милилитри бело вино
- 500 милилитри вода
- 3 чешниња лук
- Сол по ваш вкус
- Ловоров лист
- Рузмарин
- 1 килограм компири
Начин на подготовка:
1. Исчистете ја рибата, измијте ја и врз неа исцедете лимонов сок, па оставете ја да отстои најмалку половина час, а потоа малку посолете.
2. Во тавче или огноотпорен сад ставете малку масло и ставете ја подготвената риба и компирот исечен на поголеми парчиња. Печете во претходно загреана рерна на 220 степени.
3. Подгответе го сосот: Во сад ставете маслиново масло, вино, вода, лук, ловоров лист и рузмарин. Сите варете ги, а кога рибата и компирот ќе бидат половина испечени, прелијте ги и оставете ги уште половина час во рерната на 220 степени.
Подготовка на лосос во сос со шафран
Потребни состојки:
- 4 филети лосос
- 2 моркови
- 2,5 децилитри немасна павлака за готвење
- Малку шафран
- Малку темјан или рузмарин
- Сол и бибер
Начин на подготовка:
1. Загрејте ја рерната на 220 степени, исчистете ги морковите и исечете ги на тенки тркалца.
2. Во павлаката додајте шафран и темјан.
3. Подмачкајте го садот, ставете ги морковите на филетите лосос, па потоа додајте им сол и бибер по ваш вкус, а врз сето ова прелијте со зачинетата павлака и ставете во рерна.
4. Печете околу 15-тина минути. Најдобро е да сервирате со варен зеленчук по ваша желба.
Подготовка на сицилијански ослич
Потребни состојки:
- 1 килограм ослич
- 1 глава кромид
- Сол
- Зачин од билки
- Бибер
- Масло
- Бело вино
Начин на подготовка:
1. Смрзнатата риба исчистете ја и исечете ја на парчиња.
2. Испржете го кромидот на малку масло, па одозгора ставете ги парчињата риба, додајте сол, други зачини по ваша желба, масло и околу 200 милилитри вино.
3. Печете на 200 степени околу 40 минути.
Уживајте во вечерата со вашите најблиски!
