Пуслица ролат со боровинки и малини

Овој неодолив ролат се подготвува за многу кратко време и секогаш успева.

Пуслица ролат со боровинки и малини

Потребни состојки:

  • 4 белки
  • 250 грама шеќер во прав
  • 1 лажичка вински оцет
  • 1 лажица пченкарно брашно

За фил:

  • рендана кора од 1 лимон
  • 300 милилитри слатка павлака
  • 150 грама боровинки
  • 50 грама малини

Начин на подготовка:

Изматете ги белките во голем сад додека не се стегнат. Постепено додавајте шеќер, лажица по лажица. Мешајте додека смесата не стане мазна и цврста.

Измешајте ги оцетот и пченкарното брашно, а потоа изматете ги во смесата за пуслица. Нанесете ја смесата со лажица во садот за печење, а тој треба да биде обложен со хартија за печење така што ќе излегува малку надвор од рабовите на садот. Печете околу 10 минути во рерна на 190 °С, додека кората не порумени, не стане цврста на допир и површината не почне да пука по малку.

Ставете хартија за печење над чиста крпа и посипете со шеќер во прав. Превртете ја пуслицата на хартијата. Остранете го плехот. Оставете да се излади 1-2 часа. Потоа, внимателно отстранете ја хартијата за печење.

Додајте ја кората од лимон во изматената слатка павлака. Премачкајте ја пуслицата, а потоа посипете со боровинки и малини. Со помош на хартијата, завиткајте ја пуслицата така што ќе добиете ролат.

Погледнете како да подготвите протеинска салата со никулци од наут.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Со пишување може да постигне многу. Никогаш не се откажува од своите соништа.

Поврзани содржини

Остави коментар