Претходно
Омилениот рецепт за шпагети на Одри Хепберн
Во една од нејзините биографии, син ѝ ја опишал Одри како „зависник“ од јаглехидрати. Нејзиното омилено јадење било шпагети во сос од домати-“pasta a la pomodoro”, и ги правела секоја недела.
Станува збор за традиционален италијански рецепт. Сепак, во секој рецепт постои некое отстапување и ситни измени кои на прв поглед изгледаат како неважни, но сепак имаат големо влијание на вкусот на храната.
Потребни состојки:
- 1 мала главица кромид, ситно исечкана
- 2 чешниња лук, ситно исечкани
- 2 моркови, исечкани на коцкички
- 2 стебленца целер, ситно исечкани
- 2 поголеми излупени домати
- 1 рака свеж босилек
- 250 грама шпагети
- Рендан пармезан и сол по желба
Начин на подготовка:
Во поголем сад ставете ги кромидот, лукот, морковите, целерот и доматите. Залијте ги со 2 лажици маслиново масло. Земете половина од босилекот и додајте ги листовите во садот. Поклопете го садот и варете ја смесата на умерена температура 45 минути, со повремено мешање.
Додека сосот се крчка, во друг подлабок сад, ставете околу 750 милилитри вода и оставете да зоврие. Во водата додајте ги останатите листови босилек, но ситно исечкани. Во зовриената вода ставете ги шпагетите (посолете по вкус), намалете ја температурата и гответе додека шпагетите не бидат целосно сварени.
Кога сосот ќе биде готов, тргнете го од ринглата и оставете го 15 минути на страна. Исцедените шпагети прелијте ги со сосот и на крајот додате пармезан по ваша желба.
Погледнете ги и овие 3 едноставни рецепти за подобро расположение.
