Нешта што треба да ги запомните во вашите доцни 20-ти

Наближува третата деценија од вашиот живот, а тоа ќе го сфатите одеднаш. Луѓето околу вас се венчаат, купуваат куќи, слават годишнини на компании, а некои имаат и деца. Вие се обидувате да поминете некој маратон и да постигнете нешто во вашиот живот.

Нешта што треба да ги запомнете во вашите доцни 20-ти

Во зависност од тоа кои сте, можеби немате ништо од споменатите работи. Или не ги сакате, или се надевате дека наскоро ќе ги добиете. Можеби со партнерот сте веќе 6 години заедно, а некој друг веќе стапил во брак. Тогаш ќе се запрашате зошто тие, а не и вие? Како се случуваат овие работи? Како луѓето успеваат да ги добијат?

Животниот пат на сите е различен. Социјалните медиуми се лесна алатка за комуницирање и споделување на вашиот живот. Исто така со нив е лесно да паднете во стапицата на споредувањето и да се прашувате зошто не и вие. За некои ова значи љубомора кон пријателките од факултет кои веќе имаат деца. Други се чувствуваат инфериорно кога ќе видат како нивните колеги добиваат унапредување. Тоа е сосема нормално, се случува, особено во денешното општество.

Иако поновите генерации не можат ни да се споредат со постарите, сè уште има бројни пречки и начини на кои општеството ни влијае. Понекогаш е навистина тешко да си верувате и да останете на својот пат.

Но, вистината е дека објавите што ги гледате онлајн го покажуваат само најдоброто. Не ги гледате деталите зад нив. Можеби личноста што стапува во брак не е навистина вљубена и го прави тоа бидејќи се чувствува удобно. Можеби личноста што добила унапредување работи 60 часа неделно и нема отидено на одмор со години. Личноста со нова куќа и нов автомобил можеби има огромни долгови.

Кога луѓето околу нас ги постигнуваат своите цели лесно и природно е да сакате да бидете на нивно место. Нивниот живот изгледа совршен, а вие се убедувате во тоа и го посакувате. Длабоко во себе знаете дека тоа не е она што навистина го сакате, но стравот да не испуштите нешто или чувството на инфериорност почнуваат да ве надвладуваат.

Можеби сте почнале да градите нова кариера. Тогаш е лесно да чувствувате како повторно да сте на почеток. Но, во реалноста вие сте стекнале искуство и сте доволно храбри да преземете ризик и да го живеете животот според ваши правила. Или можеби сè уште сте сингл и луѓето се обидуваат да ви најдат партнер, кога всушност вие сте навистина задоволни со вашата независност. Можеби сте се вратиле на образованието, а тоа изгледа навистина страшно кога гледате како цветаат кариерите на другите луѓе. Во реалноста ќе бидете посреќни и поисполнети на вашиот нов пат.

Доцните 20-ти се тешки. Страшни се. Ве притискаат социјалните очекувања и мислите дека треба да бидете негде каде што не ни сакате да одите. Останете искрени кон себе, правете грешки и следете го вашиот пат. Има само еден пат за вас, па фокусирајте се на себеси. Нема да биде лесно и стравот дефинитивно ќе ви биде пријател, но не грижете се, знаете што правите.

Погледнете и кои се работите за кои не треба да се грижите во 20-тите години од животот.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар