Највкусните лазањи со зеленчук

Највкусните лазањи со зеленчук

Ако сте љубител на италијанските специјалитети, но не јадете месо, направете ги овие феноменални лазањи со сладок компир, тиквички, спанаќ и вкусен прелив од сирење.

Највкусните лазањи со зеленчук

Потребни состојки:

  • 2 жолти или црвени пиперки
  • 1 тиквичка, околу 300 г
  • 1 голем сладок компир
  • 3 лажици маслиново масло
  • 1 голем кромид
  • малку буковец
  • 2 чешниња лук
  • 800 г ситно сечкан домат
  • 2 лажици оригано
  • 1 коцка супа од зеленчук
  • 200 мл ладна вода
  • 100 г млад спанаќ
  • 10 листови лазањи
  • сол и бибер

За сос од сирење:

  • 75 г обично брашно
  • 75 г путер на коцки
  • 750 мл млеко
  • 125 г зрело чедар сирење, крупно изрендано
  • 75 г моцарела

Начин на подготовка:

  1. Загрејте ја рерната на 200 °C. На пиперките отстранете им ги семките и ситно исечкајте ги, исечкајте ги и тиквичките, излупете ги слатките компири и ситно исечкајте ги па ставете ги во плех. Додајте 2 супени лажици масло за јадење, зачинете со сол и бибер и ставете ги во рерна да се печат околу половина час, додека зеленчукот не омекне.
  2. Додека зеленчукот се пече, во тава загрејте ја преостанатата лажица масло и испржете го исечканиот кромид. Потоа додајте го буковецот и лукот во неа и повторно пржете. Истурете ги сечканите домати, ориганото и раздробената супа во коцка. Додајте ја водата и варете 10 минути на тивок оган, редовно мешајќи.

Начин на подготовка на сосот од сирење:

  1. Во голем сад ставете го брашното, путерот исечкан на коцки и млекото и варете ги состојките на средна топлина. Мешајте непрестано со жица за матење додека сосот не згусне и не стане мазен.
  2. Додадете околу 2/3 од сирењето и зачинете по вкус.

Финализирање на подготовката:

  1. Извадете го зеленчукот од рерната и додајте го во големата тава со домати.
  2. Додадете го и спанаќот на неа и гответе уште 3 минути и зачинете.
  3. Наредете еден слој лазањи во намастен плех, потоа ставете една третина од смесата со зеленчук, па наредете друг слој лазањи.
  4. Истурете малку од смесата од зеленчук над неа, а потоа повторно наредете лазањи.
  5. Истурете го сосот со сирење и оставете го преостанатиот дел од мешавината од зеленчук.
  6. Покријте со последниот слој лазањи, а потоа и остатокот од сосот со сирење.
  7. Одозгора нарендајте уште малку сирење.
  8. Печете 35-40 минути т.е. додека лазањите не омекнат или додека не добијат златно кафена боја.
  9. Оставете ги 5 минути да се изладат, а потоа исечете ги на парчиња.

Можеби сакате да пробате нешто поинакво како тост во рерна.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар