Модерна роденденска торта која можете да ја обликувате во сите видови форми
Израдувајте ја посебната личност во вашиот живот со уникатна торта
Потребни состојки:
За тестото:
- 220 грама путер
- 2 лажички маслиново масло
- 1 јајце
- 140 грама шеќер во прав
- 450 грама меко брашно
- 1 лажичка екстракт од ванила
- Изрендана кора од лимон
- Прстофат сол
За филот:
- 120 грама путер
- 300 грама крем сир или маскарпоне
- 120 грама шеќер во прав
- Изрендана кора од лимон
- 1 лажичка екстракт од ванила
За декорација:
- Свежо овошје
- Јаткасти плодови
Начин на подготовка:
Изматете ги путерот, јајцето, маслото и шеќерот. Додавајте го брашното полека. Замесете го тестото. Оставете го во фрижидер да одмори на еден час, а во меѓувреме исечете ја хартијата за печење во обликот на тортата што сте ја замислиле.
Поделете го тестото на два дела. Едниот дел ќе ви треба веднаш, а другиот можете да го вратите во фрижидер. Тестото што го имате пред вас, ставете го хартијата со обликот што сте го исекле и исечете ја формата со помош на нож.
Ставете го тестото во претходно загреана рерна на 220 степени Целзиусови и печете околу 10-тина минути. Во зависност од вашата рерна и дебелината на тестото можете да го прилагодите ова време. Кога ќе се испече, оставете го тестото да се олади, а во меѓувреме повторете ја постапката и со другото тесто.
Откако и двете ќе се оладат, ставете половина од филот над едното тесто и поставете го другото врз него. Останата половина распределете ја на врвот на тортата. Бидете креативни со надворешниот дел и слободно декорирајте по ваша желба. Користете овошје и јаткасти плодови за најдобар вкус.
Ако ви треба инспирација за формите, погледнете ги следниве одлични фотографии од Инстаграм: