Меки празнични колачиња

Меки празнични колачиња

Ова е рецепт за меки, шеќерни колачиња кои можете да ги декорирате по ваша желба. Едноставно мора да ги направите за вашите сакани за време на новогодишните и божиќните празници!

Меки божиќни колачиња

Потребни состојки:

  • 470 г сенаменско брашно
  • 1 лажичка прашок за печиво
  • ½ лажичка сол
  • 250 г омекнат маргарин
  • 300 г бел шеќер
  • 2 јајца
  • 2 лажички екстракт од ванила

За подготовка и печење на колачињата ќе ви биде потребен половина час (не сметајќи го времето за ладење на тестото).

Начин на подготовка:

  1. Во длабок сад измешајте го брашното, прашокот за печиво и солта. Во друг голем сад изматете ги маргаринот и шеќерот додека смесата не стана бледа и пенеста. Во оваа смеса додајте ги јајцата едно по едно, а потоа ставете ја и ванилата. Изматената смеса додајте ја во претходно просеаните суви состојки и месете додека состојките не се спојат целосно. Покријте го тестото и ладете го во фрижидер 2 часа.
  2. Загрејте ја рерната на 200 ᵒС. Ставете хартија за печење во голем плех. На чиста набрашнета површина од тестото исукајте кора со дебелина од 1 см. Исечете го тестото со помош на форми за колачиња и наредете ги колачињата во плехот.
  3. Печете од 6 до 8 минути во загреана рерна, или додека рабовите на колачињата не станат кафеави. Извадете ги од плехот и оставете ги на решетка за да се изладат. Потоа украсете ги по желба: со шеќерен прелив и прехранбени бои, со фондан или со растопено чоколадо.

Доколку сакате може да го прочитате и рецептот за крекери со малку масти и без глутен.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар