Претходно
Лесен ролат со свежо овошје
Подгответе го овој вкусен ролат и изненадете го вашето семејство со овој вкусен и кремаст десерт со овошје!
Потребни состојки за кората:
- 5 јајца
- 120 г шеќер
- 120 г брашно
- 1 лажичка прашок за печиво
- прстофат сол
Потребни состојки за кремот:
- 300 мл слатка павлака
- 400 г маскарпоне сирење
- 4 лажици шеќер во прав
- 1 лажичка екстракт од ванила
- 200 г јагоди и боровинки
- 50 г кокосови снегулки
Начин на подготовка:
- Одвојте ги белките од жолчките и изматете ги во форма на снег со прстофат сол, постепено додавајќи го шеќерот до крајот на матењето.
- Изматете ги и жолчките, додајте ги во смесата со белки и измешајте. Додајте го брашното и прашокот за печиво.
- Врз тавата за печење ставете мрсна хартија, истурете го тестото врз хартијата и израмнете. Печете ја кората 20 минути на 180 °С.
- Посипете шеќер во прав на работната површина. Ставете ја кората врз површината, со хартијата нагоре. Извадете ја хартијата од кора и завиткајте ја кората во крпа. Оставете ја настрана 15 минути да се излади.
- Изладената кора премачкајте ја со шеќер во прав и сирење маскарпоне.
- Додајте го исечканото овошје на половина од кората. Завиткајте ја кората во форма на ролат, повторно ставете го ролатот во крпа и оставете го во фрижидер за 2-3 часа.
- Врз ролатот нанесете го преостанатиот крем, јагодите, боровинките и кокосот пред сервирање.
Можеби сакате да го дознаете рецептот и за тортата „Арапска бајка“, совршен кремаст десерт.
