Куглоф-штрудла со јаболка

Доколку се прашувате како на креативен начин да го поминете времето со вашите деца, ние ви предлагаме еден совршен рецепт кој ќе биде идеален производ на вашата креативност!

Куглоф-штрудла со јаболка

Потребни состојки:

За тестото:

  •      500 г брашно
  •      1 јајце
  •      80 г шеќер
  •      80 мл масло
  •      240 мл топло млеко
  •      20 г свеж или 7 г сув квасец
  •      1/4 лажичка сол
  •      1 рендана кора од портокал
  •      2 кесички ванилин шеќер

За филот:

  •      1 јаболко со средна големина
  •      сок од половина лимон
  •      1 лажичка шеќер
  •      60 г суво грозје
  •      сок од портокал
  •      60 г ореви
  •      150 г џем од кајсија

За премачкување на тестото:

  •      1 јајце

Начин на подготовка:

  1. Растворете го квасецот во дел од топло млеко и додајте 80 г шеќер, промешајте сè и оставете квасецот да надојде.
  2. Додајте го маслото, шеќерот, јајцето и ванилата во остатокот од млекото и измешајте ги. Ставете го брашното во длабок сад  и додајте сол.
  3. Додајте ги течните состојки, надојдениот квасец, кората од портокал и замесете тесто, додавајќи брашно, по потреба.
  4. Кога смесата ќе се спои, ставете го тестото на работната површина и месете со рака, околу десет минути.
  5. Обликувајте го во топка, премачкајте еден сад со масло и свртете го тестото неколкупати за да го премачкате целосно со маслото.
  6. Покријте го садот со проѕирна фолија и оставете го тестото да го удвои својот волумен на топло место.
  7. Исцедете сокот од половина портокал (ако е помал, цел) и потопете го сувото грозје.
  8. Оревите исечкајте ги рачно.
  9. Излупете го јаболкото и исечете го на потенки парчиња, истурете врз него сок од лимон, посипете со лажичка шеќер и измешајте.
  10. Тестото превртете го на работната површина планирајќи доволно место на набрашнетата работната површина и расукајте кора со дебелина од половина сантиметар.
  11. Тестото за штрудлата прво се премачкува со џем, на следниов начин – прво нанесете од филот по должина на кората во широчина од 5 см, па оставете еден дел празен, па подмачкајте ги следните 5 см со џем по целата должина, а следниот оставете го празен и така натаму до крајот. Треба да добиете 3 филувани делови и 3 празнини.
  12. На првиот дел посипете сушено грозје, кое претходно сте го исцедиле од вишокот сок.
  13. Средниот дел наросете го со сечкани ореви, а на третиот дел, наредете го со парчињата јаболка кои се преклопуваат едно со друго (посипете малку цимет над јаболката).
  14. Сега преклопете ја штрудлата – првата празнина се преклопува со онаа со сувото грозје. Таа на крајот ги преклопува јаболката.
  15. Исечете го тестото за штрудлата со остар нож на 12 еднакви делови – како да сечете парчиња за сервирање. Наредете ги парчињата со пресекот свртен нагоре во подмачкана модла за куглоф.
  16. Ако користите тава, поставете 10 парчиња наоколу и 2 во средината.
  17. Покријте го и оставете го тестото уште еднаш да нарасне.
  18. Разматете 1 јајце и премачкајте го нараснатото тесто.
  19. Печете во претходно загреана рерна на 175 °C околу 45 до 50 минути и ако почне да потемнува, покријте го тестото со хартија за печење.
  20. Оставете ја печената штрудла во калапот да се олади, потоа свртете ја наопаку и нежно отстранете го калапот, свртете го куглофот и оставете го да се излади.
  21. Наросете со шеќер во прав и уживајте!

Можеби сакате да го дознаете и рецептот за шарениот „Жирафа ролат“, креативен рецепт за уживање на целото семејство!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар