Претходно
Шарен „Жирафа ролат“: Креативен рецепт за уживање на целото семејство!
Отидете на диво „кујнско сафари“ преку подготовката на шарен „жирафа“ ролат. Овој десерт ќе стане вашиот омилен рецепт.
А, еве и како да го подготвите:
Потребни состојки:
- 6 белки
- 5 жолчки
- 300 грама шеќер
- 30 г растопен путер
- 140 грама брашно
- половина кесичка прашок за печиво
- 2 лажици какао
- 200 мл слатка павлака
- 250 г маскарпоне сирење
- половина кесичка желатин
- 1 банана
Начин на подготовка:
- На хартија за печење врз плех нацртајте ги со молив шарите на „жирафа“ ролатот.
- Во длабок сад изматете 1 белка во форма на снег.
- Во сад настрана додадете 30 г растопен путер и 20 г шеќер и спојте ја смесата со жица за матење. Потоа во истата смеса додајте 20 г брашно и изматените белки и повторно промешајте.
- Ставете ја смесата со слаткарски шприц и нанесете ја на обратната страна од хартијата за печење, по обележаните линии.
- Изматете ги во форма на снег 5-те преостанати белки. Во друг сад изматете 5 жолчки со 130 г шеќер, а потоа додајте и 120 г брашно, 2 лажици какао и прашокот за печиво.
- Во смесата додајте ги и изматените белки, спојте ги состојките и нанесете ја смесата во плехот, врз претходно нанесените шари од бело тесто.
- Кората печете ја во загреана рерна 10 мин. на 180 ᵒC.
- Откако ќе се испече отстранете ја хартијата за печење, ставете ја кората (со се хартијата) врз влажна крпа и завиткајте ја во форма на ролат.
- Изматете 200 мл слатка павлака. Во друг сад ставете 250 г маскарпоне сирење и 150 г шеќер и спојте ги состојките. Додајте ја слатката павлака и повторно промешајте. Во смесата додајте половина лажица желатин.
- Одвиткајте го ролатот и нанесете го филот. Врз филот нанесете поголеми парчиња банана и завиткајте го ролатот. Оставете го во фрижидер да се излади, а потоа послужете.
Можеби сакате да го прочитате и рецептот за еклер торта што не треба да ја печете.
