Претходно
Колку кофеин има во чајот?
Кофеинот е соединение кое се наоѓа во кафето, чајот како и бобинките од гуарана. Дејствува како стимуланс на централниот нервен систем и ви помага да се фокусирате полесно, но и да се чувствувате помалку уморни.
Од друга страна, може да предизвика и несакани ефекти како вознемиреност, немир, несоница и пореметување на работата на срцето.
Во поглед на чајот, пак, точната количина на кофеин зависи пред сè од видот.
Така, на пример, една шолја црн чај содржи 35 милиграми, а зелениот чај содржи 32 милиграми кофеин. Имајте на ум дека колку подолго ја чувате филтер ќесичката, толку повеќе ќе се зголемува содржината на кофеин.
Освен тоа, постојат и други фактори кои влијаат врз содржината на кофеинот во чајот. Доколку температурата на водата е повисока, тогаш се зголемува и количината на кофеинот. Покрај тоа, можно е да внесете повеќе кофеин и доколку користите чај во филтер ќесички. Тоа е затоа што листовите во ќесичките се мелени на поситни делови што овозможува полесно испуштање на кофеинот.
Откако прочитавте за содржината на кофеинот во чајот, можеби ќе сакате да прочитате и како влијае кофеинот врз вас и колку навистина може да ве држи будни.
Извор: healthline.com
