Претходно
Колач Тексас: Рецепт за еден од највкусните американски десерти!
Во САД, пекан оревите се омилениот додаток на чоколадните десерти, па тортата Тексас не е исклучок. Во продолжение прочитајте го нашиот рецепт за овој колач со неодолива чоколадна глазура.
Потребни состојки:
- 400 грама шеќер
- 240 грама брашно
- ¼ лажица сол
- 4 лажици какао
- 220 грама путер
- 230 милилитри топла вода
- 230 милилитри матеница
- 2 јајца
- 1 лажичка сода бикарбона
- 1 лажичка екстракт од ванила
Потребни состојки за глазура:
- 60 грама сечкани пекан ореви
- 200 грама путер
- 4 лажици какао
- 6 лажици млеко
- 1 лажичка екстракт од ванила
- 400 грама шеќер во прав
Начин на подготовка:
1. Во подлабок сад измешајте ги брашното и шеќерот и додадете прстофат сол.
2. Во тенџере растопете го путерот. Додадете го какаото и промешајте. Додадете ја топлата вода, динстајте околу 30 секунди, а потоа тргнете го тенџерето од оган. Додадете ја смесата со брашното и бавно мешајте за што побргу да се излади.
3. Во садот со матеница додадете ги изматените јајца, сода бикарбона и смесата од путер и какао. Истурете ја смесата во широк, плиток калап и печете околу 20 минути на температура од 175 степени целзиусови.
4. Додека колачот се пече, подгответе ја глазурата. Ситно исечкајте ги пекан оревите. Растопете го путерот, додадете го какаото и измешајте ја смесата за да се соедини, а потоа тргнете го садот од оган. Додадете ги млекото, ванилата и шеќерот во прав. Промешајте и додадете ги пекан оревите, а потоа оваа смеса прелијте ја врз испечениот колач. На здравје!
Откако го прочитавте нашиот рецепт за колачот Тексас, можеби ќе сакате да го прочитате и рецептот за колач со кокос и чоколадна глазура.
Извор: punkufer.dnevnik.hr
