Како да бидете понезависни?

Дали премногу се потпирате на семејството и пријателите кога се во прашање вашите обврски? Ако тоа е така, време е да станете малку позависни. Еве неколку совети кои ќе ви помогнат во тоа.

Како да бидете понезависни?

1. Глумете независен став

Прифатете го фактот дека никој нема да ви помогне за ништо. Оставени сте сами на себе. Важно е да размислувате на овој начин, бидејќи ако постојано мислите дека има на кого да се потпрете, само ќе чекате и нема да правите ништо. Па, глумете го овој став, сѐ додека не постане реалност. Замислете си дека сте сами во голем град и не познавате никој. Што и да сакате, ќе мора да го направите сами.

2. Едномесечен предизвик

Можеби се плашите, но единствениот начин да го победите стравот е да се соочите со него. Секој ден правете по една работа од која ви е страв. На лист хартија запишете активности кои би сакале да ги направите сами. Дадете си еден месец. Не грижете се за резултатите, само правете нешто. Секој ден запишувајте што сте постигнале. Ова е најдобар начин за добивање храброст и самодоверба. На пример, ако се плашите да пазарите сами, поставете си цел и правете го тоа во наредните 30 дена. Ќе сфатите колку непотребно сте се плашеле и ќе се чувствувате спремни за уште такви победи.

3. Учете од грешките

Секој експерт некогаш бил почетник. Нормално е да правите грешки кога учите нешто ново. Впрочем од нив и најмногу се учи. Не сфаќајте ги лично таквите моменти. После сѐ, не мора по секој предмет секогаш да добивате максимум бодови. Само треба да се обидувате и постојано да работите. Трудете се, додека не успеете.

4. Славете го и најмалиот успех

Сте успеале да го пребродите стравот од пазарење сами? Честитки! Запишувајте си ги овие мали, но значајни успеси и не ги заборавајте. Натерајте се себеси да го прославувате и најмалиот успех. Таквите резултати покажуваат дека навистина сте способни да направите нешто ново и да успеете во тоа. Нареден пат, кога за некоја потешка задача, ќе почувствувате недостаток на самодоверба, само потсетете се на сите досегашни испишани успеси и самоуверено продолжете напред.

5. Градете навики

Едномесечните предизвици се супер. Но, важно е по завршувањето на тој месец да не се вратите на старо повторно. Морате самите да си ги исполнувате обврските, секогаш кога тоа е возможно. Секако, ова не значи целосно да се изолирате и да функционирате осамено, но ќе сфатите дека стекнувањето независност е прекрасен процес кој ќе ви ги отвори очите за сите ваши неоткриени потенцијали.
За крај, ако не станете независни, никогаш нема да дознаете за што сѐ сте способни!


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран преведувач и толкувач. Непоправлив перфекционист. Љубопитна, интуитивна и насмеана. Ја сака уметноста и културниот живот. Идеалист. Верува во астрологија, убаво утринско кафе и позитивно размислување.

Поврзани содржини

Остави коментар