Интересен предлог за ручек – мусака со кисела зелка

Доколку сакате да имате поинаква мусака денеска на вашето мени – ви ја предлагаме мусаката со кисела зелка. Мусаката ја сакаат речиси сите. А овој рецепт малку ќе го „освежи“ начинот на кој ја подготвувате.

Потребни состојки:

  • 1 кг кисела зелка
  • 500 г мелено месо
  • 100 г ориз
  • 1 главица кромид
  • 1 цело јајце + 2 жолчки
  • 200 мл кисело млеко
  • Малку млеко
  • Сол и бибер

Начин на подготовка:

  1. Зелката ситно исечкајте ја. Ставете ја во тенџере со малку масло и пропржете ја.
  2. Оризот сварете го во солена вода и процедете го.
  3. Кромидот ситно исечкајте го и ставете го да се пржи. Додајте го меленото месо, зачинете го и пропржете го заедно со кромидот. Откако меленото месо ќе се излади, додајте 1 јајце и промешајте.
  4. Во длабок сад за печење, редете слој по слој – прво зелка, па ориз, па мелено месо. Повторете ја постапката, завршувајќи со слој од кисела зелка.
  5. Измешајте го киселото млеко со жолчките и додадете малку млеко за да ја разредите смесата. Полијте го јадењето.
  6. Печете на 180 ᵒС, еден час, додека зелката не се запече.

Доколку сакате и вкусна идеја за десерт, прочитајте како да направите брауни колачиња со мармалад од сливи.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Смислата на животот ја бара преку уметноста и креативноста. Пишувањето е нејзино секојдневие.

Поврзани содржини

Остави коментар