Идеи за фризури за првиот состанок, кои ќе го привлечат целото негово внимание

Не е тајна дека секоја девојка е нервозна и под стрес пред првиот состанок. Тогаш се прашувате што да облечете, колку шминка да ставите, но и каква фризура да направите со цел да оставите најдобар впечаток. Но, пред да почнете да паничите и да се нервирате, погледнете ги овие неколку идеи за фризури што ќе ви помогнат да изгледате прекрасно и да го добиете целото негово внимание.

Идеи за фризури за првиот состанок, кои ќе го привлечат целото негово внимание

1. Двојни плетенки

Ако немате многу време, ова е одлична фризура која се прави за 10 минути, а одговара и за долга и за кратка коса. Не треба да ја исправувате, освен ако не сакате малку да ја скротите. Овој изглед ќе изгледа добро со бранови или кадрици, но и да немате време за тоа, сепак истите ќе ви прилегаат прекрасно. Едноставно направете две плетенки од двете страни, завиткајте ги заедно околу главата и ќе бидете спремни да го освоите!

Идеи за фризури за првиот состанок, кои ќе го привлечат целото негово внимание

2. Пунџа и плетенка

Не знаете дали косата да ви биде пуштена или собрана за првиот состанок? Имајте ја предвид локацијата и фактот колку ви е „послушна“ косата тој ден. Доколку одите на вечера, подобро е да ја соберете, а истото важи и ако таа не е во своето најдобро издание. Плетенката е многу женствена, додека пак пунџата ја држи косата во место. Дефинитивно нема да погрешите.

Идеи за фризури за првиот состанок, кои ќе го привлечат целото негово внимание

3. Половина пунџа со плетенка

Оваа фризура денес е тренд во светот на модата. Наместо постојано да ви биде исправена или пак, собрана во обична пунџа, бидете малку поразлични така што ќе направите и плетенка, а со пуштениот дел направете бранови. За оваа фризура ќе ви треба само фигаро и за 25 минути ќе имате прекрасна и невообичаена фризура.

Идеи за фризури за првиот состанок, кои ќе го привлечат целото негово внимание

4. Странична плетенка во форма на рибја коска

Плетенките на страна изгледаат привлечно, но бидете повпечатливи така што ќе додадете уште еден прамен и ќе ја формирате плетенката познат како рибја коска. Таа изгледа тешко, но со малку вежбање можете да ја направите за само 5 минути.

Идеи за фризури за првиот состанок, кои ќе го привлечат целото негово внимание

Погледнете уште четири интересни идеи на наредната страница


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Економист во изградба, а страстен обожавател на пишаниот збор уште откако знае за себе. Смета дека животот без домашно милениче не изгледа комплетен, а кафето со многу шеќер го смета за едно најубавите утрински задоволства.

Поврзани содржини

Остави коментар