Храна која ќе ве направи среќни

Се чувствувате необјасниво нерасположено, несреќно и депресивно? Погледнете го овој список на храна кој ќе ви помогне повторно да се почувствувате среќно и расположено…

Храна која ќе ве направи среќни

Печурки: Кој би рекол дека печурките би можеле да бидат извор на скриена сончева светлина? Оваа вкусна храна е исполнета со витаминот Д кој се смета за витална состојка при подобрување на менталната и физичката добросостојба.

Темно чоколадо: Чоколадо = среќа. Зарем треба да се напише нешто повеќе? 🙂 Научниците откриле дека темното чоколадо има ист ефект врз вашето тело како и да земате медикаменти за подобрување на расположението.

Авокадо: Ова овошје е преполно со моносатурирани маснотии кои помагаат при намалување на крвниот притисок и им овозможува на рецепторите во мозокот да ја одржат сензитивноста на серотонинот, кој е одговорен за подобрување на расположението. Доволно е само половина авокадо на ден за значително подобрување на вашата општа среќа.

Портокали: Овие среќни овошки се богати со витамин Б6 и фолна киселина за кои е докажано дека недостасуваат кај оние кои страдаат од депресија. И како бонус, силната миризба и свежиот вкус ќе ги разбуди сите ваши сетила.

Лосос: Оваа риба е преполна со омега-3 која помага при заштита од наглите промени на расположението. Таа исто така ќе ви помогне и при подобрување на меморијата и фокусот. Доколку не сте љубители на риба, пробајте ореви кои исто така изобилуваат со омега-3.

Спанаќ: Следете го советот на Попај и додадете спанаќ во вашата редовна исхрана. Тој изобилува со фолна киселина и витамин Б кои инстантно го подобруваат вашето расположение. Исто така спанаќот е богат и со антиоксиданси кои ги заштитуваат вашите мозочни клетки, а со тоа ја зголемуваат вашата енергија.

Шафран: Шафранот потекнува од Грција и е многу популарен во Блискиот Исток, Шпанската и Индиската кујна. Во традиционалната персиска медицина бил употребуван како лек против депресија бидејќи делува смирувачки на нервите.

Леблебии: Тие се преполни со протеини, па токму затоа се одлична алтернатива на месото. Леблебиите исто така се и извор на витамин Б6, еден од Б витамините кој е клучен за когнитивниот развој. Тие исто така влијаат и врз нивото на мелатонин, кој го регулира вашиот внатрешен часовник.

Семки од тиква: Овие семки изобилуваат со триптофан (аминокиселина која помага во создавањето на серотонинот), железо и магнезиум. Тие се препорачува да се јадат неколку часа пред легнување доколку сакате мирно да спиете.

Малини, јагоди и боровинки: Тие содржат антоцијанидини и антоцијанини кои се клучни состојки за намалување на стресот и депресијата. Овие овошки исто така содржат моќни антиоксиданси и се преполни со витамин Ц, кој е одговорен за здравјето на колагенот кој придонесува за сјајноста на вашата кожа и коса.


Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Дипломиран психолог кој обожава да пишува. Автор на научно-фантастичната книга „На работ од времето“. Животно мото ѝ е дека не смее да помине ниту еден ден без кафе и танцување.

Поврзани содржини

  1. In Love Reply

    smaerdymniemteem…if you know what I mean

Остави коментар