Претходно
Баклава со кардамом: Турски специјалитет што ги освојува македонските кујни
Не мора да одите во Истанбул за да го почувствувате вкусот на турските специјалитети
Потребни состојки:
За баклавата:
- 500 грама тенки кори за баклава
- 500 грама мелени ореви
- 100 грама исечкани ореви
- 200 грама мелен рогач
- 4-5 изрендани јаболка
- 100 грама суво грозје
- 300 милилитри масло
- 250-300 грама шеќер
- 2 кесички прашок за печиво
- 500 милилитри минерална вода
- Цимет
За шербетот:
- 1 литар вода
- 1 килограм шеќер
- 1 лимон, исечкан на кругови
- 1 прстофат кардамом
Начин на подготовка:
Измешајте ја минералната вода со шеќерот, па додајте ги мелените и сечканите ореви, сувото грозје, ренданите јаболка, прашокот за печиво, маслото, циметот и рогачот. Во претходно премачкана со масло длабока тава, наредете 4-5 кори (испрскани со масло) една врз друга и премачкајте ги со филот што сте го направиле. Одозгора ставете уште две кори (исто така испрскани со масло), па над нив додајте фил, и продолжете така додека не ја истрошите целата смеса. Завршете со 5 кори, кои исто така ќе бидат испрскани со масло.
Со помош на остар нож, исечете ја баклавата на квадрати или ромбови и печете на 180 степени, околу 40-тина минути. Можете да ја прекриете со хартија или фолија за да не ви изгори одозгора.
Додека баклавата се пече, направете шербет од шеќер, вода и лимон. Кога ќе почне да врие, додајте го кардамомот и продолжете да варите на тивок оган додека не ја добиете посакуваната густина.
Кога баклавата ќе порумени, извадете ја од рерната и оставете ја да се олади. Потоа прелијте ја со млакиот шербет и оставете добро да се впие.
Десерт кој ќе ви ја заслади душичката: Пробајте ја и оваа баклава со пудинг!
