Аргановото масло може да ги замени сите лосиони и креми кои ги користите

Аргановото масло е органски производ, кој се произведува од кернели на дрвото арган (Argania spinisa L.), ендемичен вид во Мароко. Тоа е особено богато со корисни хранливи материи, вклучувајќи масни киселини и витамин Е. Неговите својства го прават особено корисно за косата и кожата, заради што е популарен козметички производ. Следуваат некои од неговите најчести употреби.

Аргановото масло може да ги замени сите лосиони и креми кои ги користите

1. Ја хидратизира кожата

Аргановото масло најчесто се користи за хидратација и омекнување на кожата. Тоа брзо се впива и не остава мрсни наслаги. Богато со витамин Е и масни киселини, аргановото масло е идеален производ за постигнување природен изглед на кожата. Начинот на користење е лесен, а може да се аплицира на кожата на целото тело, вклучувајќи ги и лицето и вратот. Потребни ви се само неколку капки кои со нежно триење или масирање треба да ги нанесете на вашата кожа, како и кое било млеко за тело. Витамините Е и А помагаат деликатните делови од телото да останат хидратизирани.

2. Против акни и лупење на кожата

На чисто и суво лице се ставаат неколку капки арганово масло на делот каде што има акни. После чистењето и тапкањето на лицето со чист пешкир, нанесувањето арганово масло овозможува кожата да се навлажни, а неговите хранливи материи да навлезат во неа и да ја исчистат. Масирајте нежно и повторувајте ја постапката два пати дневно, бидејќи тоа ќе ви помогне да се ослободите од акните и да ја балансирате мрсната или сува кожа. Бидејќи аргановото масло има ниска масленост, тоа помага да ѝ се обезбеди на кожата природна влажност. Аргановото масло исто така е богато со антиоксиданси и помага во регенерирање на оштетените клетки на кожата и ги намалува воспалението и лупењето.

Аргановото масло може да ги замени сите лосиони и креми кои ги користите

3. Добар регенератор за коса

Докажано е дека аргановото масло ја прави косата помека, свиленкасата и посјајна. Тој е идеален балсам за коса кој помага во регенерирање на разделените, оштетени врвови и припитомување на дивата, разлетана коса. Начинот на користење на аргановото масло е екстремно лесен. Се нанесува на сува коса и се остава да отстои минимум половина час (препорачливо е цела вечер доколку можете), а потоа темелно се мие. Исто така, доколку имате екстремно суви врвови, аргановото масло може да биде замена за силиконски капки. По само неколку користења резултатот е неверојатен, ја скротува дивата и оштетена коса, и ѝ дава сјај. Многу се користи и за стилизирање на косата, истовремено правејќи ја здрава и лесно одржлива.

4. Против стареење

Аргановото масло не само што дејствува како ефективна крема, туку може да ѝ даде на кожата младешки сјај и да ја намали видливоста на брчките. Како добар антиоксиданс, аргановото масло може да биде идеално во борбата против годините. Ја враќа еластичноста и дава чувство на мекост и хидратантност. Најдобар начин да се спречат брчките е да се масираат со масло лицето и вратот пред спиење.

Аргановото масло може да ги замени сите лосиони и креми кои ги користите

5. Како балсам за усни

Во ладно или суво време усните лесно може да станат болни, суви и испукани. Идеален производ за тие да бидат меки, еластични и здрави е повторно аргановото масло. Можеби не може да ги излечи многу испуканите усни, но може да ги одржи меки, мазни и хидратизирани. Треба само да се натапкаат неколку капки масло исто како балсам за усни. За да се спречи пукање на усните во зима, секогаш имајте арганово масло со вас.

6. За заштита на ноктите

Се применува директно на прстите на рацете и нозете, со што ги прави ноктите поцврсти, поздрави и помалку кршливи. Сето ова е благодарение на високото ниво на витамин Е и антибактериските својства. Исто така може превентивно да се користи против инфекција на кожата околу ноктите, благодарение на неговите антивоспалителни својства.

Аргановото масло може да ги замени сите лосиони и креми кои ги користите

7. За суви стапала

Ако кожата на стапалата ви е сува и испукана, нанесете неколку капки арганово масло и проблемот многу брзо ќе биде решен. По нанесувањето, дозволете маслото да делува некое време за да може витамините и хранливите материи да навлезат и да ја вратат мекоста и влажноста на стапалата. Ако сакате да ја зголемите ефективноста на третманот, откако ќе го ставите маслото облечете чорапи и држете ги најмалку 30 минути или ако можете оставете ги во текот на ноќта.

Аргановото масло се покажало многу ефикасно и кај спортистите. Добро е за масажа на мускулите и за третирање на кожни инфекции како резултат на неговото силно антигабично својство.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Читај на раат!

Поврзани содржини

Остави коментар