7 карактеристики на луѓето кои се оригинални

7 карактеристики на луѓето кои се оригинални

Повеќе ги сакаме луѓето кои се оригинални и свои, отколку оние кои се преправаат дека се нешто што не се за да ја добијат нашата наклонетост. Едноставно, чувствуваме дека ним повеќе може да им се верува отколку на вторите. Доколку сакате да бидете сигурни дека припаѓате на оваа група на луѓе, проверете дали ги поседувате нивните карактеристики издвоени од психологот Гај Винч. Тој додава и дека пренагласувањето на која било од нив може повеќе да ви наштети отколку да ве направи атрактивни, па затоа треба да се внимава на ова.

7 карактеристики на луѓето кои се оригинални

1. Оригиналните луѓе го кажуваат тоа што го мислат

Тие прво си даваат време да размислат за одредени прашања и да формираат свое лично мислење, а потоа го споделуваат без да се плашат. Внимаваат и на кој начин го искажуваат мислењето. Никогаш не се обидуваат да ги наметнуваат своите идеи како единствени кои се точни во универзумот, туку како една од можностите за гледање на работите.

2. Тие ги задоволуваат своите барања, а не туѓите

Задоволувањето на туѓите барања им го оставаат на оние кои се преправаат дека се нешто што не се. Оригиналните луѓе си ги знаат своите желби и потреби и врз основа на нив градат и очекувања од себе. Знаат дека само така ќе бидат задоволни од животот.

3. Тие го градат својот животен пат

Луѓето кои се свои не го кажуваат само своето мислење, туку и делуваат според она што го мислат. Тие го градат својот животен пат и самите го одат. Не дозволуваат некој друг да ги стави во браздата низ која претходно поминале многу луѓе.

4. Не се плашат од неуспеси

Ги следат неконвенционалните патишта затоа што не се плашат од падовите во животот. Затоа и не одат по патот кој важи за „безбеден“. Звучи како клише, но тие навистина учат од доживувањата и не се плашат од нив.

5. Си ги признаваат грешките

За човек да биде оригинален потребно е да си ги признае своите грешки и недостатоци. Тие преземаат одговорност за она што го прават. Така си го менуваат и своето однесување и остануваат свои и во лошите моменти.

6. Не им судат на другите

Тие самите се оригинални и затоа не им судат на другите за нивната оригиналност. Знаат како е да се биде различен од другите. Свесни се за комплексноста на сечиј начин на размислување и го почитуваат тоа.

7. Оригиналните луѓе имаат висока самодоверба

Логично, за човек да биде свој треба да има и солидна самодоверба. Ниту ниска, ниту превисока, туку самодоверба која е доволна за да се одбрани од другите и која нема да го вивне во облаци. Затоа можат да трпат и критики и пофалби или да ги прифатат своите недостатоци. Тие се свесни за својата вредност и затоа си ја задржуваат оригиналноста.


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Го интересираат општествените науки и сето она што ја истражува повеќедимензионалноста на светот и човековото однесување, но од тоа само правото му е професија. Вљубеник во филмот, фотографијата, читањето и сите спортови на овој свет. Пишувањето му е задоволство кое му овозможува да биде во контакт со нив секој ден.

Поврзани содржини

Остави коментар