Претходно
3 знаци дека не се чувствувате удобно околу вашиот партнер
Колку и да се обидувате да ги игнорирате знаците дека не ви е удобно околу партнерот, тие се таму. Она што е чудно е што можеби нема да ги забележите на почетокот. Сакате да ви биде удобно и се обидувате да се чувствувате така. Па, ако сте забележале кој било од овие знаци, можеби е време за некаква промена.
1. Избегнувате контакт со очи
Многу често, реткиот контакт со очите е поради ниска самодоверба. Сепак, понекогаш е и поради намален интерес. Потребно е да препознаете и некој друг сигнал за да знаете со што си имате работа. Ако го избегнувате погледот на вашиот партнер или се чувствувате непријатно ако долго се гледате во очи, тоа е сигурен знак дека не се чувствувате удобно во негово друштво. Можеби се чувствувате несигурно, или пак не сте заинтересирани да го насочите вашето внимание кон таа личност. Како и да е, нешто не е во ред и сигурно не се чувствувате потполно безбедно околу партнерот.
2. Присилно се смеете
Луѓето кои се несигурни или на кои им е неудобно често се смеат нервозно. Овие луѓе не се сигурни во себе и ситуацијата, па се обидуваат да ги насмеат и другите. Сакаат да ја намалат напнатоста со смеа. Ако го правите ова околу вашиот партнер, дефинитивно не сте доволно релаксирани пред него. Ако постојано го прекинувате разговорот со нервозно кикотење, голема е веројатноста и вашиот партнер да ја чувствува напнатоста.
3. Се држите на оддалеченост
Кога некој премногу ќе се доближи до нас, се активира делот од мозокот познат како амигдала и се чувствуваме нападнато. Очигледно, ако се чувствувате така околу вашиот партнер, сигурно не ви е удобно. Најверојатно причината за ова е што не сакате да се отворите пред него, и физички и емоционално.
Секој е нервозен на почетокот на врската. Но, ако поминале месеци, а вие сè уште го избегнувате погледот или допирот на партнерот, време е да размислите за вашата врска.
Погледнете ги и знаците кои покажуваат дека вашата љубовна врска нема да трае долго.
