Водич од 1940-тите им објаснува на шефовите како да се однесуваат со вработените жени

Кога надгледувате жена

• Разјаснете ѝ го процесот или продуктот на којшто работи.
• Дозволете ѝ да нема познавање за машинскиот процес.
• Осигурете се дека работната околина е удобна, безбедна и погодна.
• Правилно започнете со добро и внимателно надгледување.
• Избегнувајте шегување, може да не ѝ се допадне.
• Предложете наместо да опоменувате.
• Кога ќе заврши добра работа, кажете ѝ.
• Слушајте ја и помогнете ѝ во проблемите со работата.

Кога ѝ давате работа на жена

• Добро објаснете ѝ ја нејзината работа.
• Земете го предвид нејзиното образование, работно искуство и темперамент кога ѝ ја давате работата.
• Подгответе ги неопходните алатки, опрема и залихи за неа.
• Пробајте го нејзиниот капацитет и познавање за работата.
• Назначете ѝ смена според нејзиното здравје, домашни обврски и транспорт.
• Ставете ја во група работници со слични позадини и интереси.
• Информирајте ја за здравствените и безбедносните правила, полисите на компанијата и целите на компанијата.
• Осигурете се дека ги знае локациите на тоалетот, кујната, клиниката.
• Не менувајте ја нејзината смена пречесто и никогаш без најава.

Кога вработувате жена

• Ограничете ги нејзините часови на 8 дневно и 48 неделно доколку е возможно.
• Организирајте кратки периоди за одмор на средината од секоја смена.
• Обидете се за ручек да обезбедите хранлива храна.
• Обидете се да обезбедите чисто место за ручек, настрана од работното место. Направете ја достапна чистата и студена вода.
• Осигурете се дека тоалетите се чисти и соодветни.
• Внимавајте на опасностите – разнесување на машини, гасови и чад, неправилно кревање, невнимателно чистење.
• Обезбедете правилно наместени столови за работа, добра вентилација и осветлување.
• Препорачајте соодветна облека за секоја работа, безбедни и удобни чевли и обезбедете шкафчиња и соблекувална.
• Освежете ја монотоната работа со паузи за одмор. Доколку е можно, користете музика за време на заморните периоди.

За крај – побарајте трениран советник за жени во вашиот персонал

• За да откриете што жените работнички мислат и сакаат.
• За да откриете лични причини за лошо работење, отсуство, промет.
• За да им помогнете на жените работнички да се справат со личните проблеми.
• За да ги толкувате женските однесувања и постапки.
• За да им помогнете на жените да се прилагодат на работата.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?