Вештачката интелигенција го „оживеа“ Салвадор Дали

Од музејот „Салвадор Дали“ во американскиот град Санкт Петербург, изјавиле дека нивните посетители ќе имаат нов специјален водич – уметникот Салвадор Дали. Односно, новиот водич ќе биде негова копија направена со помош на вештачка интелигенција.

Вештачката интелигенција го „оживеа“ Салвадор Дали

Тимот од компанијата Goodby Silverstein & Partners направил копија на славниот уметник користејќи негови снимки. На овој начин ја тренирале машината да ги имитира неговите мимики и изрази на лицето. Потоа таа слика ја ставиле на глумец со сличен изглед како уметникот и успешно го оживеале Дали 30 години по неговата смрт.

Најверојатно виртуелниот Дали ќе одговара на основни прашања за него, но ќе ги коментира и настаните што се случиле по неговата смрт во 1989-та година. Идејата е целото ова искуство да биде „едукативно и надреално“, исто како и делото на Дали.

Во видеата во кои Дали го најавува неговото враќање, тој разговара и за неговиот близок однос со смртта, но истакнува и дека никогаш не поверувал во својата смрт.

Некои луѓе сметале дека проектот е малку морбиден, но музејот нагласил дека вештачката интелигенција е во согласност со ликот на Дали. Извршниот директор Ханк Хине изјавил дека Дали бил заинтересиран за медиумите и имал изразено чувство за неговата важност, па не би било тешко да се замисли како ужива додека се гледа во дигитална форма.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар