Што се случува со телото и мозокот по смртта?

Што се случува со телото и мозокот по смртта?

Дали некогаш сте се запрашале што навистина се случува со телото и мозокот по смртта? Професорот Џенс Дериер од Медицинскиот универзитет во Берлин и докторот Стјуарт Хамилтон, патолог, дале детално објаснување за сите процеси кои се случуваат во телото по смртта.


Веднаш по смртта

Што се случува со телото и мозокот по смртта?

Хемиските супстанци наречени невротрансмитери го преплавуваат мозокот правејќи скок во активноста на мозокот за околу 30 секунди. Нормалната мозочна активност веќе е престаната.

Неколку минути по застанувањето на срцето

Што се случува со телото и мозокот по смртта?

Една до пет минути по смртта, во мозокот започнува процес наречен терминална деполаризација, или со други зборови „мозочно цунами“. Во својата најосновна форма, ова е бран од невронски активности кој започнува длабоко во мозокот и се шири нанадвор. Ова го означува распадот на мозочните електрохемикалии и моментот кога мозочната функција и свест се изгубени.

Во меѓувреме, крвта повеќе не циркулира низ телото па кожата добива бледа боја, феномен наречен смртно бледило (pallor mortis). Недостатокот од свежа крв ја намалува и внатрешната температура на телото, процес наречен студот на смртта (algor mortis). Најчесто таа се намалува за 1 степен Целзиусов во рок од 1 час, сè додека телото не ја достигне собната температура.

Неколку часа по смртта

Што се случува со телото и мозокот по смртта?

Сега телото почнува да развива црвенкасти пупки, познати како раната на смртта (livor mortis). Поради гравитацијата, крвта почнува да се собира во делот на телото кој е најблиску до земјата. Крвта би се помрднала ако се помрдне и телото, но со распаѓањето на крвните клетки кожата ја менува бојата. Интересно е што причината за смртта, како и опкружувањето, може да имаат влијание на оваа боја. Труењето од јаглероден моноксид предизвикува силно црвена боја, екстремниот студ може да резултира со розова боја, а во некои случаи кожата може да добие и сина или кафеава нијанса.

Во оваа фаза почнуваат да се здрвуваат мускулите, процес познат како вкочанетост на смртта (rigor mortis). Овој процес се случува кога има таложење на калциум и недостаток од аденозин трифосфат. Ова предизвикува мускулните влакна да се спојат и да се зацврстат. Првите мускули кои се стврднуваат се малите, но по околу 12 часа настанува целосна вкочанетост. Оваа состојба е моментална и по 24-36 часа мускулите целосно се опуштаат. Ова може да предизвика и ослободување од фекалните материи во телото.

Потоа започнува и процесот наречен автолиза каде што клетките се уништени од сопствените ензими. Автолизата предизвикува и друг процес – гниење. Автолизата и гниењето заедно се познати како распаѓање на телото.

Истовремено кожата се намалува, а токму ова предизвикува ефект кој наликува како влакната и ноктите да продолжуваат да растат.

Неколку денови по смртта

Што се случува со телото и мозокот по смртта?

Неколку денови по смртта се појавува подуеност и лачење течности, како и лош мирис. Телото почнува да испушта хемикалии кои мирисаат лошо и кои се резултат на распаѓањето на аминокиселините. Овој мирис најчесто е опишуван како „корпа за отпадоци оставена долго време на висока температура“.

Во меѓувреме крвта се згрутчува, салото се претвора во течност, а телото добива зелена боја. Ензимите продолжуваат да ги „јадат“ органите, а најпрво страдаат оние со помалку влакна, како мозокот.

Продолжува на следната страница


САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар