Претходно
Нарцис: 7 карактеристики на нежниот цвет посилен од снегот
Денот на нарцисот во многу земји традиционално е посветен на заболените од карцином. Постојат многу други интересни нешта поврзани со цветот што симболизира нов живот и надеж.
1. Нарцисот е цвет од родот нарциси. Постојат 2 теории за потеклото на името. Според првата теорија, нарцисот е именуван по грчкиот збор нарко (затруен, зашеметен) затоа што цветот содржи супстанција која има наркотичен ефект. Друга популарна теорија е дека овој цвет го носи името на Нарцис од грчката митологија, млад човек кој се вљубил во сопствениот лик гледајќи во неговиот одраз на површината од водата.
2. Нарциот е многу отпорен цвет. Веднаш штом пролетта ќе се најави, тој брзо се појавува. Го сака сонцето, но не сака многу вода.
3. Според едно старо верување, за среќа треба секогаш да се дарува букет нарциси, а дарувањето на само еден цвет треба да се избегнува затоа што носи несреќа.
4. Постојат околу 30 оригинални подвидови на нарциси, а дури 13.000 хибриди создадени од човекот. Нарцисите се обично жолти или бели, но меѓу новите хибридни видови има и портокалови и со розова боја.
5. Цветот на нарцисот не треба да се консумира бидејќи содржи токсични материи. Тоа е одбранбен механизам кој предизвикува животните да го заобиколат. Поради овие состојки не е препорачливо да ги чувате нарцисите долго во вазна, бидејќи тоа ќе ви наштети. Можете да ставите само нарциси во вазна во првите 24 часа за да го намалите ефектот на нивните отровните состојки, а потоа да додадете и други видови цвеќиња во вазната.
6. Нарцисот содржи и лековити материи. Тие се користеле како лек против болки во античката медицина. Ефектот на нарцисот во превенцијата и третманот на Алцхајмеровата болест и карциномот е тестиран со децении. Екстрактот од нарцис се користи и во козметиката, на пример, во лосионите за чистење на чувствителна кожа.
7. Во Велика Британија, нарцисот е симбол на 10-годишнината од бракот.
Можеби сакате да прочитате и дека секој цвет има некое значење, некој е добро да го подарите, но некој треба да го избегнувате за подарок, бидејќи велат дека носи тага.
