Направете сами: Колоритни миризливи свеќи за вашиот дом, составени од мрсни боички
Ако добро размислите, сè што ви е потребно за отклучување на вашата имагинација е една мала мрсна боичка. Само една мрсна боичка може да трансформира обичен лист хартија во нешто што е надвор од овој свет, како на пример, ананас кој јаде роботи или робот кој јаде ананас… Можностите се бескрајни.
Но, што се случува ако решите да „боите“ надвор од линиите и да ја искористите оваа мрсна боичка за нешто сосема ново? На пример, вие би можеле да ги стопите мрсните боички и да направите колоритни свеќи кои ќе го украсуваат вашиот дом.
1. Првото нешто што ви е потребно е кутија со мрсни боички.
2. Одберете ги вашите омилени бои.
3. Ќе ви биде потребен стаклен сад за свеќи како и фитил.
4. Ставете топло лепило на крајот од фитилот и поставете го на дното од чашата.
5. Искористете го восокот кој ви останал од вашите омилени миризливи свеќи и поставете го во хартиена чаша која може да се стави во микробранова.
6. Одберете ја првата мрсна боичка, отстранете ја декларацијата, искршете ја на мали парчиња и ставете ја во чашата со восокот.
7. Ставете ја хартиената чаша во микробранова печка на околу 30-тина секунди или сè додека не се стопат состојките целосно и потоа измешајте.
8. Поставете го стаклениот сад за свеќи во дијагонална позиција, сипете ја содржината од хартиениата чаша во него и оставете го да се исуши 20-тина минути.
9. Одберете нова боја и повторете ја истата постапка за да го направите вториот слој.
10. Откако ќе се исуши вториот слој, направете уште еден последен слој.
11. Резултатот е свеќа во различни бои, по ваш избор, која мириса онака како што вие сакате.
Дозволете ѝ на вашата креативност да надвладее и обидете се со различни бои и комбинации.За повеќе информации за оваа постапка, погледнете го и ова одлично видео…
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.