Претходно
Можете ли да ослабете пиејќи алкохол?
Празните калории од алкохолот многу брзо можат да станат проблем, барем кога станува збор за вашите килограми. Само еден час поминат со весело друштво и некоја пијачка, може да резултира со внесување стотици непотребни калории.
Но, доколку сметате дека мора целосно да се откажете од алкохолот додека сте на диета, грешите.
Се разбира, доколку целосно го отстраните алкохолот од вашиот живот можно е да ослабете побрзо, но нема ништо лошо во тоа одвреме-навреме да се почестите со некоја пијачка.
„Не мора целосно да се откажете од уживањето во пијачка со пријателите додека се обидувате да ослабeте. Меѓутоа, имајте на ум дека консумирањето алкохол придонесува во вашиот вкупен дневен внес на калории, а истовремено има малку хранливи материи како што се протеини, витамини, минерали и хранливи влакна, што му се потребни на телото за да остане здраво“, изјавила нутриционистката Елора Базанел.
Покрај тоа, според нејзината колешка Џули Апто, пиењето алкохол го зголемува вашиот апетит. Па, добро е да размислите и за тоа доколку сакате да пиете додека сте на диета.
„Чаша вино неколку пати неделно не би требало да биде проблем. Но доколку пиете две или три чаши секоја вечер, тие калории можат да направат голема разлика во вашите обиди за слабеење“, изјавила нутриционистката Синди Далоу.
Доколку сепак се одлучите да пиете алкохол додека сте на диета, осигурете се дека тоа ќе биде пијалак со помалку калории кој нема да има многу големо влијание на вашата цел.
Дали знаете што ќе се случи ако целосно се откажете од алкохолот?
