Можете ли да ги решите овие загатки за деца?

Загатките за деца изгледаат лесно, но треба да сте мудри за да ги решите. Подгответе се за размислување и решете ги следниве загатки заедно со вашите деца.

Можете ли да ги решите овие загатки за деца?

1. Секогаш сум на трпезариската маса, но никогаш не ме јадеш. Што сум?

  • Одговор

    Прибор за јадење.

2. Постои една куќа со еден кат во која сѐ е жолто. Ѕидовите се жолти. Вратите се жолти. Дури и мебелот е жолт. Куќата има жолти кревети и жолти каучи. Во која боја се обоени скалите?

  • Одговор

    Нема скали. Куќата има еден кат.

3. Што е многу лесно да се направи, а многу тешко да се поправи?

  • Одговор

    Штета.

4. Кој збор има 31 буква, но само три слогови?

  • Одговор

    Азбука.

5. Што можете да слушнете, но не и да го допрете или да го видите, иако го контролирате?

  • Одговор

    Вашиот глас.

6. Едно девојче паднало од скала која е висока 10 метри, но не било повредено. Зошто?

  • Одговор

    Девојчето паднало од првото скалило.

7. Често те следам и ги имитирам сите твои движења. Сепак, не можеш да ме допреш или да ме фатиш. Што сум јас?

  • Одговор

    Твојата сенка.

8. Еден дедо излегол на прошетка и почнало да врне дожд. Тој немал чадор, ниту шапка. Неговите алишта се намокриле, но на главата не му се намокрило ниту едно влакно. Како е можно?

  • Одговор

    Дедото немал коса на главата.

9. Што има стрелки, но не покажува насока?

  • Одговор

    Часовник.

10. Му давам вкус на јадењето и имам многу слоеви, но доколку ми се приближиш ќе те расплачам. Што сум јас?

  • Одговор

    Кромид.

11. Што има нозе, но не може да оди?

  • Одговор

    Маса.

12. Ме гледаш и во јуни и во декември, но никогаш во мај. Што сум?

  • Одговор

    Буквата „И“.

13. Што можеш да прекршиш, но никогаш да го залепиш или да го допреш?

  • Одговор

    Ветување.

14. Поминувам низ твојот имот и околу цел двор, но никогаш не се движам. Што сум?

  • Одговор

    Ограда.

15. Треба да ме отвориш, но немам капак, ниту друг отвор. Што сум?

  • Одговор

    Јајце.

16. Што е потешко: еден тон цигли или еден тон пердуви?

  • Одговор

    Двете тежат еден тон.

17. Татко му на Петар има три синови: Дарко, Иван и… Како се вика третиот син?

  • Одговор

    Петар.

18. Секогаш сум пред тебе, но никогаш зад тебе. Што сум јас?

  • Одговор

    Твојата иднина.

19. Кој месец од годината има 28 денови?

  • Одговор

    Сите имаат 28 денови.

Доколку штотуку започнавте да го загревате мозокот, обидете се да ги решите и овие интересни загатки.



САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       

За авторот
Спиела во пустина, летала со параглајдер и видела 71-метарска статуа од Буда исклесана во планина. Со дигитално новинарство се занимава од факултетските денови.

Поврзани содржини

Остави коментар