Претходно
Базен длабок 60 метри што крие потопен град
Отворен е најдлабокиот базен на светот наречен „Deep Dive Dubai“. Длабок е 60,02 метри, а како што сугерира и неговото име, се наоѓа во чудесниот град Дубаи, во Обединетите Арапски Емирати. Поточно, се наоѓа во источниот дел на градот, во областа Над ал Шеба.
Изграден е како место за обука на професионални нуркачи, но и за рекреативни нуркачи кои уживаат да истражуваат во синилото.
Базенот е исполнет со 14 милиони литри вода и постојано се одржува на температура од 30 Целзиусови степени. Сместен е во зграда и зафаќа 1500 квадратни метри.
Како што му доликува на градот со највисокиот облакодер на светот и со трговски центар среде пустина каде што можете да скијате, „Deep Dive Dubai“ не е обичен длабок базен. „Deep Dive Dubai“ крие потопен град и простор за забава каде што можете да играте подводен фудбал и да возите велосипед. Различни забавни објекти ве очекуваат на различни длабочини, а сопствениците тврдат дека мора да нуркате неколку пати за да ги видите сите негови привлечности.
Во базенот снимаат педесетина камери, со што се гарантира безбедноста на сите нуркачи. Постои и хипербарична комора во која може да се сместат 12 лица одеднаш.
Гинисовата книга на рекорди официјално потврди дека овој базен е најдлабокиот базен за нуркање во светот. Во продолжение погледнете како изгледа „Deep Dive Dubai“.
Погледнете го ова уникатно место на Земјата што изгледа различно секој ден.
