Претходно
8 знаци дека луѓето ве земаат здраво за готово
Ако секогаш давате сè од себе, било да е тоа во љубовта, во пријателствата или во работата, но добивате помалку од она што навистина го заслужувате, можеби е време да ги преиспитате вашите односи. Ако не се чувствувате доволно ценети, тоа може да доведе до стрес и да ви го упропасти секојдневниот живот. Овие 8 знаци ќе ви помогнат да препознаете дали другите ве земаат здраво за готово.
1. Чувствувате потреба да ги истакнете вашите квалитети
Кога луѓето се чувствуваат несигурно, тие имаат тенденција да ги истакнат своите добри квалитети со цел да се потсетат на својата вредност. Споделувањето на вашите приказни или искуства ве зближува со луѓето и затоа чувствувате потреба да зборувате за себе.
2. Сакате некој да ви каже „те сакам“ со своите постапки
Ако секој пат кога некој ќе ви каже дека ве сака, посакувате неговите зборови да одговараат на неговите постапки, големи се шансите да ве зема здраво за готово. Неговите зборови се празни и вие повеќе би сакале да направи да се чувствувате посакувано.
3. Чувствувате дека вашите цели не се многу важни
Ако соништата на вашиот партнер се важни, а вашите се безначајни, тоа не е добар знак. Ова обично се случува кога другата личност е несигурна или се грижи само за себе. Таа се плаши дека вашата цел може да ве промени, па почнува да ве обесхрабруваа поради својата себичност.
4. Постои огромна разлика помеѓу она што го давате и она што го добивате
Балансот на давање и примање од страна на двајцата партнери во врската е тоа што ја прави посилна. Ако само давате, а не добивате ништо за возврат, можеби партнерот престанал да ги цени работите што ги правите за него.
5. Кога не контактирате со некоја личност, вие сте тажни, но таа не
За да се одржуваат односите, треба да има двонасочна комуникација. Ако вашите најблиски ве игнорираат, тоа значи дека тие не го ценат вашето присуство.
6. Сите очекуваат да им помогнете
Кога сте секогаш тука за луѓето, тие почнуваат да сметаат дека ќе бидете тука и во иднина. Ако им кажете не, тие ќе ве наречат себични. Затоа е важно да поставите јасни граници и да ја знаете вашата вредност.
7. Луѓето честопати ги игнорираат или ги забораваат вашите важни датуми
Секој е зафатен со своите обврски и понекогаш може да заборави на вашиот роденден, на годишнината итн. Сепак, ако тоа се случува често и ви изгледа како намерно да ве игнорираат или како да не е нешто важно, тогаш дефинитивно добивате помалку отколку што заслужувате.
8. Им завидувате на луѓето што се во добри односи
Ниската самодоверба и гледањето на другите луѓе со нешто што вие го немате е рецепт за љубомора. Да им завидувате на другите кога ќе видите дека нивниот партнер се однесува љубезно кон нив е нормална појава кога вие не го добивате ни минимумот.
Прочитајте кои 7 знаци откриваат дека имате ниска самодоверба.
