Претходно
Ако ви недостигаат патувањата, погледнете ги овие 3 онлајн-курсеви кои се фантастични
Иако ќе треба да почекаме уште некое време додека да можеме безгрижно да ги испланираме своите патувања, постои начин да ја задоволиме таа потреба. Барем за момент. Подолу споделуваме три онлајн-курсеви кои нè носат во различни делови на светот и се водени од врвни експерти во својата област.
Рон Финли ве учи за градинарството
Рон Финли од Лос Анџелес е добро познат американски активист и самопрогласен за „Гангстер градинар“, а неговото поле на активност е екологијата и урбаното градинарство. Кога зборуваме за одгледување сопствена храна, имаме многу да научиме. Научете како секојдневните предмети да ги претворите во практични детали за садење, како да ги одржувате домашните растенија живи и да водите здрав начин на живот, без оглед каде живеете.
Френк Гери ве учи за дизајнот и архитектурата
Музејот „Гугенхајм“ во Билбао, концертната сала „Волт Дизни“ во Лос Анџелес, фондацијата „Луј Витон“ во Париз се наградувани згради на Френк Гери расфрлани низ целиот свет. Бидејќи се наоѓа на списокот со желби кај повеќето патници, неговата архитектура е синоним за револуционерен дизајн и глобална култура. Регистрирајте се на Мастеркласот на Гери, опфаќајќи повеќе од 50 години од неговото искуство и дознајте повеќе за неговиот креативен процес и мислите зад неговите архитектонски конструкции на кои им се восхитуваме.
Џими Чин ве учи за авантуристичката фотографија
Професионален алпинист, признат фотограф и режисер добитник на Оскар – Џими Чин ги учи сите заинтересирани за вештините потребни за фотографирање додека патуваат. Со детални објаснувања и примери, ќе научите креативни пристапи за правење на најдобрите фотографии, техниките што се користат во нив и како да започнете страсни проекти. Бидејќи организираше и водеше експедиции во Кина, Пакистан, Непал, Танзанија, Мали, Јужна Африка, Борнео, Индија и Аргентина, Џими има големо професионално искуство.
Прочитајте за овие 5 профили на ТикТок што едуцираат, поврзуваат и го менуваат светот на подобро.
