Секој од нас сака да ја направи тековната година подобра од претходната. Но што ако ја направите оваа година подобра и од наредната?

Психолозите го потврдија она во коешто одамна се сомневавме: Амбициозните листи на работи кои ќе ги направиме/започнеме/довршиме или пак, од кои ќе се ослободиме во новата година се само губење време.

Веројатно сте забележале дека на вашата листа со одлуки за новата година, некои од нив се повторуваат по кој знае кој пат. А кога нешто подолго време сакате да го направите тогаш сигурно има и причина.

Новата година е нов почеток и од 2015, која ни е на прагот, вие ќе го извлечете најдоброто од себе и ќе добиете сè што сакате.

Од Нова година ќе ги откажам цигарите, конечно ќе го завршам магистерскиот труд, ќе најдам работа, ќе бидам поодговорна личност, ќе почнам да штедам… и што уште не. Но колку често тие новогодишни одлуки се исполнуваат?