Претходно
Пролетен хороскоп за сите хороскопски знаци
Без разлика дали вашето срце е слободно или веќе сте заљубени, пролетта е време за освежување на полето на љубовта и многу хороскопски знаци ќе доживеат вистинска романтична бајка. Сепак, пролетта има и своја темна страна. Некои луѓе ќе доживеат меланхолија, замор и исцрпеност и можно е да направат некои лоши постапки и да донесат лоши одлуки. Сепак, оваа пролет не носи некои значителни турбуленции, а некои планети ќе успеат да ги разбудат вашите скриени потенцијали и таленти. Во продолжение прочитајте што ве очекува оваа пролет.
Овен
Пролетта ќе започне интересно за вас, со неколку изненадувања. Ова е вашиот период од годината и ќе се чувствувате енергично и позитивно. Сепак, мора да бидете претпазливи во текот на март поради негативното влијание на ретроградниот Меркур.
Многу припадници на овој хороскопски знак ќе доживеат неуспех поради мрачното влијание на оваа планета. Најдобро ќе се справите со тоа ако се присетите на лекциите што ги научивте претходната година. Вие ја издржувате секоја тешкотија со голема храброст и нема да дозволите ништо да ви ја украде насмевката од лицето оваа пролет.
Бик
Оваа пролет, ќе ви треба неверојатна решителност бидејќи ќе претрпите големи промени. Ќе мора да преземете одговорност за многу работи што се случуваат дома, на работа или во љубовната врска. Од вас се бара да донесете многу тешки одлуки.
Ако не сте задоволни, сега е вистинското време да промените сè што ве спречува и што ве загрижува. Среќата ќе се појави кога ќе се посветите малку повеќе на себе.
Близнаци
Финансиските проблеми ќе ве спречуваат да направите сè што сакавте да направите оваа пролет, но не дозволувајте тоа да ве сруши и да ве оддалечи од важните цели. Вие имате неверојатна моќ за приспособување и лесно ќе најдете решенија за проблемите.
Во текот на мај, ѕвездите ви подготвуваат прекрасни изненадувања и посреќни животни околности. Максимално искористете го овој период.
Рак
Подготвени сте да се активирате на животното патување и не треба да размислувате двапати за тоа која стратегија треба да ја преземете. Без разлика дали станува збор за проблем во љубовната врска, во семејството или на работа, вие ќе можете лесно да се справите со сите проблеми.
Уморни сте од чекањето нешто да се промени и од барањата на околината. Сега е време да ги земете работите во свои раце. Оваа пролет ќе биде малку напорна бидејќи постојано ќе бидете зафатени со разни обврски. Но, трудот ќе ви се исплати.
Лав
Измешаните чувства и стравот од промени ќе ви ги отежнуваат работите. Вашето расположение е променливо, а тоа ќе предизвикува проблеми на професионално и на љубовно поле.
Сепак, мудрите Лавови ќе успеат да ја надминат оваа криза и ќе се издигнат над целата ситуација. Послушајте ги советите на блиските пријатели, можеби ви треба промена. Обидете се да поправите сè што ве спречува на патот кон среќата.
Девица
Оваа пролет ве очекуваат големи промени. Но, не грижете се бидејќи сите тие се позитивни. Пролетта ви носи нова, освежувачка енергија и ќе зрачите со прекрасни вибрации. Ќе блескате и во приватниот и во деловниот живот, а вашите креативност и динамика ќе дојдат до израз.
Верувајте во себе и успехот е пред вас. Единственото предупредување за оваа пролет е да внимавате на финансиите во текот на март.
Вага
Пролетта ви носи големи придобивки. Подготвени сте да ја земете судбината во свои раце и да го контролирате секој аспект од животот. Ако сакате да направите нешто одлично за себе и за својата иднина, пролетта е идеален период за таков потфат. Станувате поамбициозни и поуспешни во областите на љубовта и на финансиите.
Оваа пролет е совршено време да започнете свој бизнис. Единствената пречка се дилемите и неизвесноста околу вашите одлуки. Но, со мала поддршка од блиските луѓе, ќе можете да ја надминете секоја пречка.
Скорпија
Иако пролетта е период на љубов и пеперутки во стомакот, вас ве очекуваат некои љубовни проблеми. Многу сте дисциплинирани и сакате да ги следите вашите правила при секоја животна пресвртница, па затоа ќе имате многу успеси кога станува збор за деловниот живот.
Кога ќе се чувствувате заглавени во некаква ситуација, Марс и Сатурн ќе ви помогнат да излезете како победници без разлика колку биле тешки околностите. Ќе имате неверојатно подобрена интуиција, па затоа слушајте го вашиот внатрешен глас.
Стрелец
Пролетта е посебен период за вас. Ве чекаат страсна романса и зачудувачки успех. Единствено е важно да го следите текот на животот и да размислувате позитивно.
Ве следи импресивната енергија, имате одлични идеи и немате проблем да ги споделите. Почнете да верувате во себе, а самодовербата е најзначајната моќ што можете да ја поседувате.
Јарец
Време е за насмевки бидејќи вие сте еден од најсреќните хороскопски знаци оваа пролет. Ѕвездите ви носат радост во сите сфери на животот. Во април, Марс и Сатурн ќе ви дадат дополнителна енергија што ќе ве поттикне да завршите важен деловен проект.
Мај ви носи напредок во областа на финансиите, а исто така ќе биде најдобриот период во 2020 година за подобрување на финансиската состојба. На работа ве чекаат интересни понуди, а семејните односи никогаш не биле подобри.
Водолија
Оваа пролет ве очекуваат многу лоши вести, но добрата вест за финансиите ќе ја спаси ситуацијата. Ќе бидете збунети и нема да имате јасно дефинирани цели.
За среќа, за секоја одлука ќе имате голема поддршка од вашиот партнер. Споделете ги вашите проблеми и тешкотии со вашите најблиски. Еден важен совет може да ве извлече од незгодна ситуација.
Риби
Пролетта ќе биде многу напреден период, но ве очекува зголемено ниво на стрес во мај. Во текот на овој месец ќе имате некои турбуленции на емотивен и на професионален план. Фокусирајте се на плановите што можат да ги подобрат вашата работа и вашиот семеен живот.
Комбинацијата на интуицијата и креативноста е импресивна, па ќе имате нови деловни идеи. Вашиот најголем предизвик оваа пролет ќе биде недостигот на самодоверба и храброст за донесување големи одлуки.
Прочитајте кои 4 хороскопски знаци лудо ќе се вљубат оваа година.
