Претходно
Кое ви е омиленото нешто за есента според вашиот хороскопски знак?
Изгледа дека веќе сите се подготвени да се зборуваат со летото и да ја пречекаат есента. За некои луѓе есента е најдоброто годишно време, а ако спаѓате во оваа група веројатно веќе почнавте со планови за овој период. Бидејќи вашиот хороскопски знак кажува многу за вас, со негова помош можете да откриете и кое ви е омиленото нешто за есента. Се разбира, не мора да се ограничите само на тоа, но погледнете што е тоа што едвај чекате да го направите оваа есен.
Овен: Логорски оган на студен ден
Логорскиот оган наесен е нешто во коешто навистина уживате. Можете да поминете време со пријателите, да победувате во друштвените игри и да се чувствувате навистина празнично. Ова е активност којашто навистина ве исполнува.
Бик: Вкусот на цимет
Бидејќи сте земјен знак, најверојатно сте премногу возбудени што ќе ги почестите вашите сетила со сите есенски деликатеси. Сè на коешто можете да мислите се богатите вкусови што ви ги нуди есента.
Близнаци: Забавите за Ноќта на вештерките
Можеби овој празник не е наш, но сè повеќе и повеќе луѓе го прославуваат, а овде спаѓате и вие. Вашата социјална природа ве прави главни на забавите, а покрај тоа можете да носите и костими.
Рак: Влегување во празнично расположение
Вие навистина го сакате вашиот дом, па едвај чекате да го декорирате во духот на есента. Ако ја прославувате Ноќта на вештерките, сигурно едвај чекате да наредите некои морничави декорации и да запалите неколку ароматични свеќи.
Лав: Дизајнирање на најдобриот костим за Ноќта на вештерките
Вие сакате да бидете најдобри од најдобрите, па ако ја прославувате Ноќта на вештерките, вашиот костим мора да биде беспрекорен. Без разлика дали ќе учествувате на некој натпревар или само ќе се пофалите на социјалните мрежи, едвај чекате да ја покажете вашата креација.
Девица: Уживање во добра книга
Вие сте интелигентен размислувач, па кога конечно е доволно студено за да останете дома со омилената книга, вие сте навистина среќни. Без разлика на жанрот, вие навистина уживате во пишаниот збор.
Вага: Есенска мода
Навистина сте благодарни што конечно ќе ги тргнете летните обувки. Сега е време за палта, долги панталони, чизми, и најдоброто од сè – џемпери. Вие навистина уживате во модата, а есента е вистинско време да ги покажете вашите вештини.
Скорпија: Сите сезонски филмови
Вие сте „мрачна“ душа, па навистина цутите во есен. Најверојатно со нетрпение чекате да почнете филмски маратон со најдобрите хорор филмови.
Стрелец: Есенско патување
Има нешто неверојатно во природата за време на есента, а вие никогаш не би го пропуштиле тоа. Веројатно имате испланирано неколку патувања за ова годишно време.
Јарец: Правење есенски украси
Вие сте навистина вредни и посветени, па сигурно ќе ги направите најдобрите есенски декорации. Имате одлично око за детали, па вашиот дом ќе го претворите во најубавото есенско катче.
Водолија: Есенските фестивали
Она што најмногу го сакате е да се соберете со вашите пријатели и навистина да го почувствувате духот на сезоната. Па, уште сега знаете на кои настани и фестивали ќе присуствувате со вашите пријатели.
Риби: Берење јаболка
За вас собирањето овошки во текот на есента е навистина магично. Можете целиот ден да го поминете на отворено не правејќи ништо друго освен собирање јаболка.
Дознајте и што ве очекува до крајот на овој месец според хороскопскиот знак.
