Какво влијание ќе има суперкрвавата волчја месечина врз секој хороскопски знак?

На 21-ви јануари нè очекува целосно затемнување на оваа единствена супермесечина. Ова ќе биде последното целосно затемнување до 2021-ва година. Земјината сенка ќе ѝ даде црвенкаст сјај, па оттаму и називот „крвава“ месечина. Бидејќи помрачувањето ќе биде за време на полна месечина, таа се нарекува и супермесечина.

Какво влијание ќе има суперкрвавата волчја месечина врз секој хороскопски знак?

Називот „волчја“ потекнува од индијанскиот фолклор. Волчјата месечина била првата полна месечина во годината и се појавувала во период кога се слушало завивањето на волците. Поради овој настан, на површина ќе излезат многу емоции, а ќе се засилат и нашите инстинкти. На некој начин, ова затемнување ќе има влијание врз сите хороскопски знаци. Погледнете што да очекувате според вашиот.

Овен

Отсекогаш ве нарекувале бестрашни. Можеби дури и ви викале да ги намалите вашите амбиции. Но во овој период правете го спротивното – прифатете ги вашите креативност и страст и гледајте како ќе ве однесат на патот до успехот.

Бик

Вие сте стабилни, цврсти и поддршка за многумина. Но, имате и чувствителна страна која често ја криете. Обрнете внимание на тоа и погледнете внатре за да откриете што ве прави среќни. Наскоро ќе сфатите кон што треба да се фокусирате.

Близнаци

Ако ви е потребна мотивација за да прозборите, сега е време за тоа. Во овој период ќе добиете одлична идеја и ќе знаете како да му ја кажете на светот. Немојте да ја чувате во себе. Искористете ја енергијата на крвавата месечина.

Рак

Отсекогаш сте се грижеле за другите, а крвавата месечина ќе ве поттикне да ја зголемите грижата кон саканите. Давајте совети кои само вие можете да ги смислите и бидете отворени кон другите.

Лав

Често другите мислат дека имате само љубов за себе, но тоа не е точно. Крвавата месечина ќе го докаже ова бидејќи ќе ја намали љубовта што ја чувствувате кон себе. Немојте да се изгубите поради ова, погледнете внатре и верувајте им на вашите инстинкти. Дознајте на кој начин можете да го покажете вашиот талент.

Девица

Веќе некое време сте биле несебични и сте работеле за некој друг. Тоа е одлично, но не заборавајте на себе. Овој период најдете рамнотежа – слушајте ја вашата интуиција и негувајте ја.

Вага

Сте биле фокусирани на вашите соништа и амбиции и напорно сте работеле за нив. Но, крвавата месечина ќе ви ги отвори очите и ќе ги видите вистинските лица на луѓето околу вас. Можно е да се поврзете со некој кој има исти ставови и амбиции како вас. Немојте да ја испуштите оваа прилика.

Скорпија

Морате да ја најдете вистинската среќа. Можеби сте ја барале однадвор, но време е да престанете со ова. Имате сè што ви е потребно за да бидете среќни со себе во овој момент. Морате да погледнете внатре и да ја најдете вашата среќа.

Стрелец

Месечината ќе ја разгори вашата љубов за авантура и возбуда. Ако планирате патување или сакате да се посветите на нешто ново, сега е совршен период да го направите тоа.

Јарец

Сакате да работите напорно и често ги остварувате вашите цели, но понекогаш е најдобро да застанете и да погледнете длабоко во себе. Можете да откриете нови патишта, или нешто на коешто треба да работите. Најдете ја вашата рамнотежа.

Водолија

Имате голема самодоверба и сметате дека не треба да го гледате светот околу вас. Но токму поради ова сте ја испуштиле грижата на многу сакана личност. Прифатете го ова и сфатете дека оваа личност има голема улога во вашиот напредок.

Риби

Го сакате светот, имате неверојатен карактер и сакате да ги остварите вашите соништа. Прифатете сè. Ќе бидете инспирација за некого, иако можеби таа личност сè уште не го сфатила тоа.

Погледнете и кои се хороскопските знаци чиј живот ќе се промени во 2019-та година.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?

       


За авторот
Студент кој секојдневно се губи низ страниците на некоја книга. Пишувањето и јогата го прават нејзиниот ден целосен.

Поврзани содржини

Остави коментар