Претходно
Најубавиот тунел што некогаш сте го виделе
По повод Фестивалот на светлината во Лион, Франција, тунелот „Црвен крст“ кој е долг 1,8 километри беше претворен во надреална земја на чудата. Фестивалот траеше од 6 до 9 декември, а за тоа време благодарение на светлосните проекции, тунелот беше претворен во голема галерија „на отворено“.
Жорж Кепеникјан, заменикот за култура на градот Лион, изјави дека ова е првпат во Европа, преку иновативни креации да му биде променета функцијата на еден тунел. Во овој период тунелот беше достапен само за пешаци и велосипедисти, а посетителите имаа прилика да гледаат дел од серијата видеа „Anamorphosi“, кои беа проектирани на ѕидовите и таванот на тунелот.
Главната идеја била проекциите да бидат толку реални, што посетителите ќе немаат впечаток дека се наоѓаат во затворен простор, туку како навистина да се на местата прикажани на ѕидовите.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
