Претходно
Како да ја украсите дневната соба со растенија?
Растенијата ја разубавуваат секоја просторија во која се наоѓаат, а особено ќе ја разубават дневната соба која повеќето ја сметаат за срцето на домот. Пред да започнете со украсување на оваа просторија, информирајте се за потребите и карактеристиките на растенијата.
Иако некои растенија, како што е сансеверијата, можат да преживеат и на светлина и во темнина, на други им се потребни одредени услови за да ги пречекаат пролетта и летото. Затоа, растенијата на кои им треба сонце поставете ги покрај прозорците и вратите што пропуштаат природна светлина.
Можете да ставите растенија во интересни саксии на прозорецот, во висечки корпи, на масата, на полиците за книги итн. Високите растенија може да послужат како природна преграда на дневната соба од кујната или трпезаријата.
Не само што растенијата ќе ве опуштат од стресот и вознемиреноста, туку и некои имаат можност да го филтрираат воздухот од прашина, чад, па дури и од мувла.
Погледнете ги фотографиите за да пронајдете инспирација како да ги користите домашните растенија за украсување на дневната соба и домот.
Погледнете како да ги комбинирате дрвените детали и да му дадете топлина и исполнетост на ентериерот.
